Օսմանյան Թուրքիայում հայերի տեղահանման եւ ոչնչացման պատճառը կրոնը չի եղել21 փետրվարի 2007 - 18:27 AMT PanARMENIAN.Net - Հայերին Օսմանյան կայսրության սրտից` Անատոլիայից տեղահանելու միտքը Թուրքիայի ղեկավարները հղացել են 1913 թվականին, քանի որ մեկ տարի առաջ Բալկանյան պատերազմում պարտություն կրելուց հետո հանգել էին այն եզրակացությանը, թե անհնար է քրիստոնյաների հետ միեւնույն երկրում ապրել: Այս մասին ասել է թուրք առաջադեմ մտավորական, պատմաբան Թաներ Աքչամը ամերիկյան Minneapolis Star Tribune թերթին տված հարցազրույցում: «1912 թվականի հոկտեմբերին մի շաբաթվա ընթացքում Օսմանյան կայսրությունը կորցրեց իր եվրոպական տարածքի 69 տոկոսը, իսկ այդ տարածքը կառավարող վերնախավի հայրենիքն էր: Նրանք կորցրեցին իրենց ծննդավայրերը, եւ դա հիմնականում քրիստոնյաների ձեռքով: Հայերը կազմում էին Անատոլիայի բնակչության մոտ 45 տոկոսը»,- ասել է թուրք պատմաբանը: Ըստ Աքչամի, 1914 թվականի հունվարից Օսմանյան կայսրության առաջնորդները մշակել են միատարր Անատոլիա ստեղծելու ռազմավարություն եւ ծրագրեր: «Սակայն ես չեմ կարծում, թե կրոնը Օսմանյան Թուրքիայի իշխող խմբավորման համար հայերին տեղահանելու եւ բնաջնջելու որոշում կայացնելու շարժառիթ է եղել: Նրանք մեծամասամբ կրթություն էին ստացել Եվրոպայում` բժշկական կամ ռազմական հաստատություններում, եւ նրանց մեծ մասը աթեիստներ էին: Նրանք օգտագործեցին կրոնը` համախմբելու համար մահմեդական բնակչությանը հայերի դեմ»,- ընդգծել է Թաներ Աքչամը, հայտնում է «Ազատություն» ռադիոկայանը:Հիշեցնենք, որ Թաներ Աքչամը հանդիսանում է առաջին թուրք պատմաբաններից մեկը, ով ճանաչել է Հայոց ցեղասպանությունը Օսմանյան կայսրությունում: 1978 թվականին մեկնել է Գերմանիա, որտեղ քաղաքական գաղթականի կարգավիճակ է ստացել: Ներկա դրությամբ հանդիսանում է պատմագիտության պրոֆեսոր ԱՄՆ Մինեսոթայի համալսարանում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |