Անկարան մտափոխվել է. Խոցված Սու-24-ի համար փոխհատուցում չի վճարելու28 հունիսի 2016 - 14:44 AMT PanARMENIAN.Net - Թուրքիան փոխհատուցում չի վճարի Ռուսաստանին խոցված Սու-24-ի համար: Այդ մասին հայտարարել է Թուրքիայի վարչապետ Բինալի Յիլդիրիմը, գրում է Slon-ը Reuters-ի վրա հղումով: Ավելի վաղ, ՌԻԱ Նովոստին թուրքական TRT-ի վրա հղումով, որը ցուցադրել է Յիլդիրիմի հետ հարցազրույցը, հայտնել էր, որ Անկարան պատրաստ է փոխհատուցել Մոսկվային խոցված ինքնաթիռի համար: «Նամակի բովանդակությունը պարզ է: Մենք հայտնել ենք մեր ափսոսանքը և անհրաժեշտության դեպքում փոխհատուցում կվճարենք: Երկու երկրներն էլ ցանկանում են կարգավորել հարաբերությունները: Կարծում եմ՝ գործերը կարգավորվում են»,- հայտարարել է Յիլդիրիմը TRT-ի եթերում: Անկարան հուսով էր, որ հարաբերությունները Ռուսաստանի հետ արագ կվերականգնվեն: Կրեմլի ներկայացուցիչ Դմիտրի Պեսկովն իր հերթին հայտարարել էր, որ «պետք չէ մտածել, թե մի քանի օրում կհաջողվի ամեն ինչ կարգավորել»: Ավելի վաղ ՌԴ իշխանությունները որպես երկկողմ հարաբերությունների կարգավորման քայլերից մեկը նշել էին նաև հասցված վնասի փոխհատուցումը: ՌԴ նախագահ Վլադիմիր Պուտինի խոսնակ Դմիտրի Պեսկովը հունիսի 27-ին հայտարարեց, որ Թուրքիայի նախագահ Էրդողանը նամակ է հղել ռուս պաշտոնակցին և ներողություն խնդրել խոցված ինքնաթիռի համար, ցավակցություն հայտնել օդաչուի մահվան կապակցությամբ, հայտարարել, որ Թուրքիան չէր ցանկանում փչացնել հարաբերությունները Ռուսաստանի հետ` համարելով նրան ռազմավարական գործընկեր: ՌԴ և Թուրքիայի հարաբերությունները կտրուկ վատթարացան թուրքական օդուժի կողմից ռուսական Սու-24-ի խոցումից հետո: 2015-ի նոյեմբերի 24-ին խոցված ռուսական ինքնաթիռի 2 օդաչուները հասցրել էին կատապուլտի միջոցով փրկվել, սակայն օդաչուներից մեկը`Օլեգ Պեշկովը ընկել էր թուրքմենների կողմից վերահսկվող տարածքում, որտեղ սպանվեց:Ավելի ուշ համացանցում տեսանյութ էր հայտնվել, որտեղ Չելիքը հայտարարել էր, թե ինքն ու իր մարտիկներն են կրակ բացել։ Ընթերցեք նաև. Անկարան պատրաստ է փոխհատուցել Մոսկվային խոցված Սու-24-ի համար Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |