ՀՀ վարչապետ. Դրական դինամիկան ՌԴ հետ առևտրատնտեսական հարաբերություններում պետք է պահպանել

8 հուլիսի 2016 - 14:37 AMT

PanARMENIAN.Net - Հայ-ռուսական առևտրատնտեսական գործակցությունն ունի դրական դինամիկա: Այդ մասին հայտարարել է ՀՀ վարչապետ Հովիկ Աբրահամյանը Սանկտ Պետերբուրգում ընթացող Տնտեսական համագործակցության միջկառավարական հանձնաժողովի նիստում:

Հայ-ռուսական միջակառավարական հանձնաժողովի հայկական կողմի համանախագահն է ՀՀ վարչապետը, իսկ ռուսական կողմինը` ՌԴ տրանսպորտի նախարար Մաքսիմ Սոկոլովը:

«Առևտրատնտեսական գործակցության ոլորտում մենք դրական դինամիկա ունենք, որը պետք է պահպանել` օգտագործելով երկու երկրների գործարար հնարավորությունների ամբողջ ներուժը»,-ասել է վարչապետը: Ըստ ՀՀ վարչապետի, սերտ համագործակցություն է հաստատվել էներգետիկայի, տրանսպորտի և հաղորդակցությունների, հանքային հումքի և գյուղմթերքի վերամշակման ոլորտներում, հայտնում է ՏԱՍՍ-ը: «Ձևավորվել է համատեղ գիտատեխնոլոգիական ենթակառուցվածք, որը թույլ է տալիս ակտիվորեն զարգացնել նորարարական ոլորտները»,-ասել է Աբրահամյանը:

Նա կարևորել է նաև ուղիղ կապերի հաստատումը երկու երկրների մարզերի և շրջանների միջև:

ՀՀ վարչապետը կարևորել է նաև հումանիտար ոլորտը, որը հատուկ տեղ է գրավում հայ-ռուսական հարաբերություններում` այդ թվում մշակութային և կրթական փոխանակումները:

Հայկական պատվիրակությունը Սանկտ Պետերբուրգում մասնակցում է հայ-ռուսական միջկառավարական հանձնաժողովի նիստին: Պատվիրակությունը գլխավորում է ՀՀ վարչապետ Հովիկ Աբրահամյանը: Հայաստանի կառավարական պատվիրակության կազմում ընդգրկվել են նաև Ռուսաստանի Դաշնությունում Հայաստանի Հանրապետության արտակարգ և լիազոր դեսպան Օլեգ Եսայանը և Սանկտ Պետերբուրգում Հայաստանի Հանրապետության գլխավոր հյուպատոս Հրայր Կարապետյանը:

Հղումներ թեմայով.

ТАСС: Премьер Армении отметил позитивную динамику в торгово-экономическом сотрудничестве с РФ

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով