Հակաահաբեկչական կոալիցիան Մոսուլն ու Ռաքքան ԻՊ-ից ազատելու նոր քայլեր է ձեռնարկում26 հուլիսի 2016 - 13:42 AMT PanARMENIAN.Net - «Իսլամական պետություն» խմբավորման դեմ պայքարող միջազգային կոալիցիայի անդամները պայմանավորվել են Մոսուլից ու Ռաքքայից զինյալների տեղահանման ուղղությամբ ձեռնարկվող հաջորդ քայլերի մասին: Այդ մասին հայտարարել է ԱՄՆ պաշտպանության նախարար Էշթոն Քարթերը: «Մենք պայմանավորվել ենք արշավի շրջանակում հետագա քայլերի մասին, որպեսզի տեղահանենք ԻՊ-ին Ռաքքա ու Մոսուլ քաղաքներից»,- Պենտագոնում ճեպազրույցի ժամանակ ասել է Քարթերը՝ նկատի ունենալով նախորդ շաբաթ Վաշինգտոնում կայացած կոալիցիայի մի շարք երկրների պաշտպանական գերատեսչությունների ղեկավարների հանդիպումը: Քարթերը հրաժարվել է բացահայտել գործողությունների մանրամասները, բայց նշել, որ «շատ երկրներ, այդ թվում՝ ԱՄՆ-ն, պատրաստ են լրացուցիչ ներդրում ունենալ արշավում»: Նրա խոսքով, «շատերն իրենց ներդրումն են ունեցել նախորդ շաբաթ, ու հուսով են մոտակա շաբաթներին ու ամիսներին այդ առիթով նորություններ ունենալ նաև նաև այլ երկրներից», փոխանցում է ՌԻԱ-Նովոստին: Մոսուլն Իրաքի մեծությամբ երկրորդ քաղաքն է: 2014-ի ամռանից այն գտնվում է ԻՊ զինյալների ձեռքում: Մոսուլի ազատագրման գործողությունը վարում են քուրդ փեշմերգաները, Իրաքի բանակն ու շիաների ջոկատները: Զինվորականները շարունակում են պատրաստվել գրոհի: Ռաքքան Սիրիայում ԻՊ այսպես կոչված «մայրաքաղաքն» է: ԱՄՆ պետքարտուղար Ջոն Քերին փաստել է, որ այդ ահաբեկչական խմբավորումը շարունակում է իրական վտանգ ներկայացնել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |