Ղարաբաղ. ԱՄՆ Պետդեպարտամենը «ուղղել է» սխալը Մարդու իրավունքների հարցով զեկույցում20 ապրիլի 2007 - 16:19 AMT PanARMENIAN.Net - ԱՄՆ Պետդեպարտամենտը վերանայել է 2006 թվականի Մարդու իրավունքների հարցով զեկույցում արված սխալ հայտարարությունը Հայաստանի վերաբերյալ հատվածում այն մասին, որ «Հայաստանը օկուպացրել է Լեռնային Ղարաբաղն ու 7 ադրբեջանական շրջաններ»: Այդ մասին PanARMENIAN.Net ին հաղորդել է Ամերիկայի Հայ Դատի Հանձնախումբը (ANCA): Վերափոխված տեքստում, որն այս շաբաթ տեղ է գտել Պետդեպարտամենտի պաշտոնական կայքէջում, ասվում է. «Հայկական զինված ուժերն զբաղեցնում են Լեռնային Ղարաբաղին սահմանամերձ Ադրբեջանի տարածքների մեծ մասը: ՀՀ պաշտոնատար անձինք պնդում են, որ Հայաստանը «չի օկուպացրել» անմիջապես Լեռնային Ղարաբաղը»: Ադրբեջանի մասի հատվածը դեռեւս ենթակա է փոփոխությունների:«Մենք հաշվի ենք առնում այն փաստը, որ Պետական դեպարտամենը պատասխանում է մեր հայտարարություններին այն մասին, որ Լեռնային Ղարաբաղի կարգավիճակի սխալ բնորոշումը կարող է վնասել ԱՄՆ-ին` որպես ԵԱՀԿ Մինսկի խմբի համանախագահի: Մենք շահագրգռված ենք մնում տեքստի ճշտման հարցում, որովհետեւ ուղղված տեքստը շարունակում է իրավիճակի սխալ բնութագիրը տալ, եւ Ադրբեջանի վերաբերյալ բաժնի հաղորդագրությունները շարունակում եմ սխալ մնալ: Այսպիսով, դա տեքստը անհետեւողական է դարձնում, նույնիսկ Պետդեպարտամենտի կողմից Հայաստանի մասին հատվածի վերնայումից հետո»,- հայտարարել է ANCA-ի գործադիր տնօրեն Արամ Համբարյանը: Նշենք, որ 2007 թվականի ապրիլի 3-ին ANCA-ի նախագահ Քեն Խաչիկյանը նամակ է հղել ԱՄՆ պետքարտուղար Քոնդոլիզա Ռայսին, որում ընդգծել է, որ «նման պնդումները էապես խեղաթյուրում են տարածաշրջանում տիրող իրականությունը եւ հակասում են մարդու իրավունքների վերաբերյալ նախկին զեկույցներին»: «Դրանք խախտում են Միացյալ Նահանգների անկողմանակալությունը` որպես ԵԱՀԿ Մինսկի խմբի անդամ: Այդ աննախադեպ պնդումները փաստորեն հանդիսանում են սխալ եւ հակաարդյունավետ, հաշվի առնելով մեր կառավարության դիրքորոշումը Լեռնային Ղարաբաղի խնդրի շուրջ որոշման հարցում: Ասել, որ Լեռնային Ղարաբաղը հանդիսանում է Ադրբեջանի տարածքը, եւ որ Հայաստանը օկուպացրել է այն եւ այլ տարածքներ, նշանակում է անտեսել հակամարտության գլխավոր պատճառը: Այդ հայտարարությունը կարող է սխալ ուղերձ դառնալ ադրբեջանական կողմին եւ բարդացնել խաղաղ բանակցությունները»,- նամակում նշել է Քեն Խաչիկյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Բերման ենթարկված բոլոր կիրանցեցիներն ազատ են արձակվել Կանայք փակել էին ճանապարհն ու հերթապահում տղամարդկանց փոխարեն Փաշինյան․ Սահմանազատված հատվածներում ՊՆ-ն ծառայություն չի իրականացնելու, ԱԱԾ-ն է հսկելու «Այո, դիրքը դուրս է գալիս մեր ինքնիշխան տարածքից, որովհետև ՊՆ-ն այդ գծի վրա այլևս ծառայություն չի իրականացնելու», - ասել է նա ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով |