Yandex.Taxi-ն մեկնարկել է նաև Վրաստանում. Երևանում այն ավելի պահանջված է, քան ՌԴ որոշ քաղաքներում

Yandex.Taxi-ն մեկնարկել է նաև Վրաստանում. Երևանում այն ավելի պահանջված է, քան ՌԴ որոշ քաղաքներում

PanARMENIAN.Net - Yandex.Taxi-ն սկսել է աշխատել Վրաստանում` մեկնարկելով Թբիլիսիից, հայտնում է «Ինտերֆաքսը»:

«Նոր երկրներում մեկնարկների փորձից ելնելով` մենք արդեն կարող ենք առաջին եզրահանգումներն անել, թե որքանով է մեր բիզնեսը հետաքրքրական արտերկրում, որտեղ Yandex բրենդը ներկայացված չէ: Հայաստանում և Ղազախստանում գործարկման օրվանից Yandex.Taxi-ն հավելվածը App Store-ի և Google Play-ի առաջին հորիզոնականներում է բոլոր հավելվածների թվում, ինչպես նաև «Տրանսպորտ» բաժնում: Երևանը Yandex.Taxi-ի պատվերների քանակով արդեն առաջ է անցել ՌԴ միլիոնանոց բնակչությամբ քաղաքներից շատերից»,-ասել է տարածաշրջանում Yandex.Taxi-ի ղեկավար Տիգրան Խուդավերդյանը:

Հավելվածի ինտերֆեյսը հասանելի է վրացերեն, ռուսերեն և անգլերեն լեզուներով: Այժմ Yandex.Taxi-ն է միացած 200 մեքենա Թբիլիսիի 11 տաքսի ծառայությունից: Ծառայությունը կգործի Վրաստանի նաև այլ քաղաքներում:

Նստելավարձը, 2 կմ տարածությունն ու 5 րոպե տևողությամբ ուղևորության արժեքը կլինի 50 թեթրի: Այնուհետև յուրաքանչյուր կմ համար հավելվում է 50 թեթրի, իսկ րոպեի համար` 10 թեթրի: Քաղաքից դեպի օդանավակայան ուղևորության արժեքը ֆիքսված է` 25 լարի: Վճարել կարելի է միայն կանխիկ, սակայն շուտով դա հնարավոր կդառնա նաև բանկային քարտի միջոցով:

Yandex.Taxi-ն կգործարկվի նաև Ուկրաինայում, Էստոնիայում և Լատվիայում:

Այժմ Yandex.Taxi-ն գործում է ՌԴ 30 քաղաքում, Երևանում, Մինսկում և Ալմաթիում: Ընդհանուր առմամբ ծառայությանը մասնակցում է 70.000 ավոտմեքենա և մոտ 600 տաքսի ծառայություն և կարգավարական կետ: Yandex.Taxi ծառայությունը Ռուսաստանում գործում է 2011-ից։

Հայաստանում ուղևորության առաջին 1 կիլոմետրի արժեքը 100 դրամ է, այնուհետ՝ 100 դրամ յուրաքանչյուր կիլոմետրի համար։

 Ուշագրավ
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
---