Ցուկերբերգը $3 մլրդ կներդնի հիվանդությունների դեմ պայքարի համար22 սեպտեմբերի 2016 - 12:48 AMT PanARMENIAN.Net - Facebook սոցցանցի հիմնադիր Մարկ Ցուկերբերգը և նրա կինը` Պրիսցիլլա Չանը մտադիր են առաջիկա 10 տարում $3 մլրդ ներդնել բոլոր գոյություն ունեցող հիվանդությունների դեմ պայքարին միտված հետազոտական նախագծի մեջ: Նրանք այդ մասին հայտարարել են սեպտեմբերի 21-ին, հայտնում է ՏԱՍՍ-ը: Այդ նախաձեռնությունն ուղղված է մանկական տարիքից բոլոր հնարավոր հիվանդությունների վերահսկման, կանխարգելման և բուժման մեթոդների մշակմանը: Մասնավորապես, նշված գումարից 600 միլիոն դոլարը կհատկացվի հիվանդությունների վաղ հայտնաբերման և կանխարգելման միջոցների մշակման հետազոտական կենտրոնի ստեղծմանը: Համալիրը կտեղակայվի Սան Ֆրանցիսկոյում և կմիավորի առաջատար կենսաինժեներներին ու բժշկության լավագույն մասնագետներին: Նոր կենտրոնի առաջին նախագծերից կլինի հատուկ չիպի մշակումը, որը կկարողանա «ախտորոշել ցանկացած ինֆեկցիոն հիվանդություն և հետևել արյան շրջանառությանը», ինչպես նաև «բջիջների ատլասի» ստեղծմանը: Այն կներառի մարդու օրգանիզմի բոլոր հնարավոր բջիջների և նրանց տարբեր վիճակների նկարագրությունը` նոր դեղամիջոցների ստեղծումը դյուրացնելու նպատակով: «Մենք ծախսում ենք 50 անգամ ավելի հիվանդներին բուժելու համար, քան ներդնում ենք հետազոտությունների մեջ, որոնք միտված են նրան, որ մարդն ընդհանրապես չհիվանդանա»,-ասել է Ցուկերբերգը: Նախատեսվում է նոր բուժտեխնոլոգիաների, թեստերի ու պատվաստանյութերի մշակում, ինչպիսիք են Էբոլան, Զիկա վիրուսն ու ՁԻԱՀ-ը: Ցուկերբերգը հույս է հայտնել, որ բոլոր դրված նպատակները կյանքի կկոչվեն արդեն ընթացիկ հարյուրամյակի ավարտին: 2015-ին Ցուկերբերգն ու Չանը խոստացան մինչև կյանքի վերջը բաժանել Facebook-ի բոլոր բաժնետոմսերը բարեգործական նպատակներով: Որպես հիմնական թիրախներ մատնանշվել են անհատական ուսուցումը, հիվանդությունների բուժումը, մարդկանց միավորումը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |