 ՊՆ ղեկավարը չմտածված է համարում բանակից ազատվելու իրավունք տվող հիվանդությունների ցանկը 18 նոյեմբերի 2016 - 16:09 AMT PanARMENIAN.Net - Հայաստանի պաշտպանության նախարար Վիգեն Սարգսյանը հայտարարել է, որ զորակոչի ենթակա երիտասարդին պարտադիր զինծառայությունից ազատելու իրավունք տվող հիվանդությունների ցանկը լավ չէ մշակված: «Կարծում եմ, որ շատ քիչ հիվանդություններ կան, որոնց առկայության դեպքում քաղաքացին լիարժեքորեն պիտանի չէ ծառայության: Այլ բան է, որ բանակում պետք է պայմաններ ստեղծել, որոնց առկայության դեպքում սահմանափակ կարողություններով անձինք ևս կկարողանան նպաստ բերել զինված ուժերին»,-ասել է Սարգսյանը, հայտնում է ԱՌԿԱ-ն: Մասնավորապես, նա բերել է բուժծառայության սպաների օրինակը, որոնք առողջական վիճակի պատճառով զորացրվելով բանակի շարքերից, անցնում են աշխատանքի քաղաքացիական հաստատություններում: Նա նշել է, որ ուշադրության է արժանի նաև ասպիրանտների հարցը, որոնք տարեկետում են ստանում ծառայությունից: Պարտադիր զինվորական ծառայության զորակոչվելուն խանգարող և դժվար բուժվող հիվանդություններ ունեցող զորակոչիկներին հանրապետական զորակոչային հանձնաժողովն առողջական վիճակի պատճառով տալիս է տարեկետում 3 տարի ժամկետով: Տարածքային զորակոչային հանձնաժողովի կողմից զինվորական ծառայության համար պիտանի ճանաչված զորակոչիկները հանրապետական հավաքակայանում անցնում են լրացուցիչ բժշկական հետազոտում:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
