Բավրայում հնդկաձավարի մշակման գործարան է կառուցվում20 դեկտեմբերի 2016 - 16:08 AMT PanARMENIAN.Net - Արգենտինահայ բարերարներ Դևեճյանների ընտանիքի ֆինանսավորմամբ «Հայաստան» հիմնադրամը Շիրակի մարզի Բավրա գյուղում հնդկաձավարի արտադրության գործարան է կառուցում: Հնդկաձավարի մշակման ծրագիրը Հայաստանում իրականացնում է «Եվրոպական հարևանության գյուղատնտեսության և գյուղի զարգացման ծրագիրը» (ENPARD), որը 2015-ին մեկնարկած ձեռնարկի շրջանակներում տրամադրում է անհրաժեշտ սարքավորումներ և իրականացնում ֆերմերների մասնագիտական վերապատրաստում: Դեկտեմբերի 6-ին Ծովագյուղում բացվել է հնդկաձավարի արտադրության առաջին գործարանը Հայաստանում:Ակնկալվում է, որ «Ծովհատիկ» ապրանքանիշը կրող տեղական արտադրության հնդկացորենը հայ սպառողներին կներկայանա շատ շուտով: Գործարանը կյանքի կոչելու համար վերակառուցվել է գյուղատնտեսական նպատակներով նախկինում համայնքում գործող շենքը: Վերակառուցվել են պատերը, հատակը, փոխարինվել է տանիքի ծածկը, տեղադրվել են պատուհաններ և դարպասներ: Շինարարական աշխատանքներին զուգընթաց գործընկեր կազմակերպությունը տեղադրում է հոսքագիծ: 2017-ի ամռանը նախատեսվում է ավարտել աշխատանքները` ներառյալ ինժեներական ցանցերի իրականացում, շենքի ներքին ու արտաքին հարդարում, կից լաբորատոր մասնաշենքի կառուցում: Գործարանի ներկայիս պատասխանատու Կորյուն Սումբուլյանի խոսքով` հնդկաձավարի մշակման գործարանը կսպասարկի Շիրակի, Լոռու և Արագածոտնի մարզերի մոտ 430 ֆերմերային տնտեսություններին, որոնք ցանքի, բերքահավաքի և վաճառքի հարցերն արդյունավետ կազմակերպելու նպատակով միավորվել են կոոպերատիվներում: «Հնդկաձավարի աճեցումն ու արտադրությունը նոր մշակույթ է Հայաստանում: Մեր կլիմայական պայմանները բարենպաստ են այս մշակաբույսի աճեցման համար, և արդեն ստացել ենք առաջին բերքը: Մի քանի տարվա ընթացքում գործարանի արտադրական հզորությունը կարող ենք հասցնել տարեկան մինչև 9000 տոննայի և տեղական շուկան ապահովել մատչելի արտադրանքով»,- ասել է Կորյուն Սումբուլյանը: Հայաստանի հյուսիսային դարպաս հանդիսացող Բավրա գյուղում Հիմնադրամը Դևեճյան ընտանիքի հովանավորությամբ վերջին երեք տարիներին կառուցել է նաև համայնքային կենտրոն, սպորտհրապարակ, մարզադաշտ, հայտնում է «Հայաստան» համահայկական հիմնադրամը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |