Թուրքիայում ընդդիմությունը բողոքի քայլերթ է սկսել Անկարայից Ստամբուլ15 հունիսի 2017 - 14:00 AMT PanARMENIAN.Net - Թուրքիայի հիմնական ընդդիմադիր ուժը՝ Ժողովրդահանրապետական կուսակցությունը, բողոքի ակցիա է սկսել այդ կուսակցության անդամ, պատգամավոր Էնիս Բերբերօղլուի դատավճռի դեմ և քայլերթով Անկարայից Ստամբուլ կհասնի: Հունիսի 14-ին Բերբերօղլուն 25 տարվա ազատազրկման է դատապարտվել Ազգային հետախուզական կազմակերպությանը (MIT) պատկանող և Սիրիա ուղևորվող բեևռնատարների խուզարկության մասին մանրամասները մամուլին հայտնելու համար: Նա ձերբակալվել է դատավճռի ընթերցումից անմիջապես հետո և ուղարկվել է Ստամբուլի դատարան: «Մենք չենք ցանկանում, որ բանտերում լրագրողներ ու դասախոսներ նստեն: Մենք ուզում ենք բոլորի հետ հաշտ ապրել: Ես մինչև Ստամբուլ կհասնեմ (մոտ 450 կմ): Մենք կշարունակենք մեր երթն այնքան, մինչև որ արդարությունը վերադառնա Թուրքիա», - ասել է կուսակցության առաջնորդ Քեմալ Ղըլիչդարօղլուն, հայտնում է ՌԻԱ Նովոստին: Բեռնատարների հետ կապված միջադեպը տեղի է ունեցել Ադանայում 2014-ի հունվարին, երբ զինծառայողները զննել են դեպի Սիրիա ընթացող բեռնատարները: Cumhuriyet-ը լուսանկարներ և տեսանյութեր էր հրապարակել զննության փաստի վերաբերյալ, որտեղ երևում էր, որ բեռնատարներում ականներ են, հրետանային արկեր և այլ զինամթերք: Ըստ թուրքական իշխանությունների, բեռնատարները «հումանիտար և լոգիստիկ օգնություն» էին տանում սիրիացի թուրքմեններին: Բեռնատարների զննության գործով 17 զինվորական ձերբակալվեց, ինչպես նաև Ադանայի ոստիկանապետն ու 4 դատախազ, այդ թվում Ադանայի նախկին գլխավոր դատախազը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |