Հայաստանը՝ գարեջրի արտադրության հայրենիք.The Smithsonian-ի անդրադարձը14 սեպտեմբերի 2017 - 13:03 AMT PanARMENIAN.Net - Հայաստանն աշխարհում գարեջրագործությամբ զբաղվող ամենահին ու միաժամանակ՝ ամենանոր երկրներից է: Այս մասին ասվում է The Smithsonian-ի անդրադարձում, որտեղ հոդվածագիրը խոսում է Հայաստանում գարեջրի արտադրության ակունքներից, երբ Քսենոֆոնի զորքը սրանից ավելի քան 2000 տարի առաջ Հայաստանի տարածքով անցնելիս գարուց ստացված «տարօրինակ ըմպելիք» էր վայելում, այնուհետև անդրադառնում մեր օրերում Հայաստանում գործող գարեջրատներին: Հատկանշական է, որ աշխարհում գարեջրի մասին առաջին պահպանված գրավոր հիշատակություն արվել է մ.թ.ա. 4-րդ դարում հույն վարձկանների ղեկավար Քսենոֆոնի ճամփորդական օրագրում, որը նա կատարել է Հայաստանի տարածքում շրջելիս: «Իհարկե Քսենոֆոնից հետո ավելի քան 2000 տարվա ընթացքում շատ բան է փոխվել, և, ի դժբախտություն գարեջրի, տարածաշրջանում ավելի շատ կենտրոնացած են գինեգործության անցած պատմության վրա, որը շատ ավելի լավ է վավերագրված»,- ասված է հոդվածում: «Հայաստանում գարեջրի գործարանների մասին առաջին հիշատակումները վերաբերում են 19-րդ դարին, երբ գարեջուրը շահութաբեր բիզնես էր Ռուսական կայսրությունում: Գործարաններ էին բացվել Ալեքսանդրապոլում (այժմյան՝ Գյումրի) ու Կարսում: Վերջինս ներկայիս ՀՀ տարածքից դուրս է, իսկ Գյումրիի գարեջրի հին գործարանը դեռևս պահպանվել է: Թեև գարեջուր այնտեղ արդեն չի արտադրվում ( արտադրությունը նոր շենք է տեղափոխվել), գարջրի պատմության սիրահարները կարող են այցելել այն»: The Smithsonian-ն անդրադարձել է նաև «Զանգա» գարեջրատանը, որը գտնվել է Հրազդան գետի ափին: Այն 1892-ին հիմնմնադրել է հաջողակ գործարանատիրոջ որդի Հարույթուն Ավետյանցը: «Զանգան» միայն մեկ տեսակի գարեջուր է արտադրել՝ ավանդական գերմանական բոկ: Որոշ ժամանակ բիզնեսը հաջող է զարգացել, բրենդը որոշակի միջազգային հաջողություններ է գրանցել Ռուսական կայսրությունում և Եվրոպայում (անգամ մրացանակների է արժանացել Նեապոլում ու Միլանում): Սակայն Լենինի՝ իշխանության գալուց ու կոմունիստական կարգերի հաստատումից հետո բոլոր ուժեղ ու մեծ գործարաններն ազգայնացվեցին: Երբ Հայաստանը դարձավ ՍՍՀ, Ավետյանցն էլ, շատ գործարարների նման, կորցրեց իր բիզնեսը: Առանց համապատասխան որակավորմամբ մասնագետների, բիզնեսը շատ արագ անկում ապրեց: 1926-ին Ավետյանցի մահից հետո գարեջրի գործարանը փակվեց: Հայաստանում գարեջրի արտադրությունը վերականգնվեց միայն 2-րդ Աշխարհամարտից հետո: Այնուհետև հոդվածագիրն անդրադառնում է Հայաստանում գարեջրի արտադրույթն վերածննդին ու պատմում Երևանում գործող գարեջրատներից մի քանիսի մասին, մասնավորապես, անդրադառնալով Beer Academy-ին ու Dargett-ին: Նշվում է, որ վերջինս անթիվ նորություններ է թողարկել բացումից ի վեր՝ հայկական խնձորներից ստացվող առաջին սիդրը (խնձորօղին), առաջին մրգային գարեջուրը Հայաստանում, որը ստացվում է ծիրանից, և այլ «նորամուծություններ»: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |