Ֆրանսիայում մարդուն կյանքի են վերադարձրել 15 տարվա կոմայից հետո26 սեպտեմբերի 2017 - 15:07 AMT PanARMENIAN.Net - Ֆրանսիայում գիտնականները կարողացել են «արթնացնել» 15 տարի կոմայի մեջ գտնվող մարդուն՝ թափառող նյարդի էլեկտրական ստիմուլյացիայի շնորհիվ: Լիոնի կլինիկաներից մեկի հիվանդը վթարի էր ենթարկվել 20 տարեկան հասակում և 15 տարի անցկացրել է կոմայի մեջ: Նա չէր կարողանում կոմայից դուրս գալ, քանի որ վնասված էին ուղեղի այն հատվածները, որոնք կապում են կենսագործունեությունը կառավարող ստորին բաժինները կեղևի և նյարդային համակարգի մյուս հատվածների հետ, որոնք պատասխանատու են գիտակցության համար, գրում է ՌԻԱ Նովոստին Current Biology ամսագրի վրա հղումով: «Ստիմուլյացիայի ենթարկելով թափառող նյարդը, մեզ հաջողվել է ցույց տալ, որ մենք կարող ենք բարելավել հիվանդի վիճակը և «մեր աշխարհ» վերադարձնել նրան արդեն այն ժամանակ, երբ ամեն ինչ կորած է թվում: Ուղեղը պահպանում է նոր կապեր ստեղծելու ունակությունը և կարող է վերանորոգել ինքն իրեն նույնիսկ այդ ճգնաժամային վիճակում»,-հայտարարել է Անժելա Սերիգուն Լիոնի Կոգնիտիվ գիտությունների ինստիտուտից: Գիտնականները հիվանդի որովայնում հատուկ էլեկտրաստիմուլյատոր են տեղադրել, որը միացված էր թափառող նյարդի վերջույթին և մշտապես հատուկ իմպուլսներ էր ուղարկում, որոնց հաճախականությունն ու հզորությունը փոփոխվում էին: Ինչպես նշել է Սերիգուն, արդյունքները գերազանցեցին բոլոր սպասելիքները՝ տղամարդը դուրս եկավ կոմայից և սկսեց արձագանքել շրջապատի մարդկանց խոսքերին ու գործողություններին և նույնիսկ պարզ հրահանգներ կատարել: Օրինակ, նա նորից սովորել է հետևել առարկաներին աչքերով, շարժել պարանոցը և այլևս չի քնում, երբ մայրը նրան գիրք էր կարդում: Բացի այդ, հիվանդը սկսել է արձագանքել կտրուկ շարժումների, ինչը հատուկ չէ կոմայի մեջ գտնվող մարդկանց: Այժմ գիտնականները մտադիր են ավելի մեծ կլինիկական փորձարկումներ անցկացնել կամավորների ավելի մեծ մասնակցությամբ՝ հույս ունենալով, որ ստացված արդյունքները թույլ կտան հասկանալ, թե ինչ է պետք անել կոմայում գտնվող մարդկանց վիճակի բարելավման համար: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՀՀ լեռնային մարզերում մինչև -1․․․-2 աստիճան ցուրտ է սպասվում Մայիսի 9-ին սպասվում է առանց տեղումների եղանակ Թաթոյանը միացել է Բագրատ սրբազանի առաջնորդած շարժմանը Նա նշել է, որ իրականացվող սահմանազատումը միջազգային որևէ պահանջի չի համապատասխանում IDBank-ի աջակցության նոր ծրագիրը՝ ուղղված բռնի տեղահանված արցախցիներին. «Քո կողքին» Ծրագրում ներառվել են այն ընտանիքները, որոնք ունեն երեք և ավելի երեխա Վարչապետ․ Սահմանային սյուները ՀՀ անվտանգության երաշխիքի սյուներ են, եթե գործընթացը կասեցվի` պատերազմ կլինի Նա ասել է, որ պետք է ամեն ինչ անել սահմանային սյուները շատացնելու համար |