Միքայել Հարությունյան. Հայկական կողմը մտադիր է շարունակել զարգացնել համագործակցությունը ՆԱՏՕ-ի հետ 8 փետրվարի 2008 - 17:18 AMT PanARMENIAN.Net - Փետրվարի 7-ին ՀՀ պաշտպանության նախարար Միքայել Հարությունյանը հանդիպեց ՆԱՏՕ-ի Անհատական գործընկերության գործողությունների ծրագրի (ԱԳԳԾ) եւ պլանավորման ու վերանայման գործընթացի (ՊՎԳ) գնահատման խմբի պատվիրակությանը` ՆԱՏՕ-ի միջազգային շտաբի եվրաատլանտյան ինտեգրման եւ գործընկերության դիրեկտորատի տնօրեն Յարոսլավ Սկոնիեչկայի եւ ՆԱՏՕ-ի միջազգային շտաբի ուժերի պլանավորման վարչության տնօրեն Ֆրենկ Բոլանդի գլխավորությամբ: Այդ մասին PanARMENIAN.Net ին հաղորդել է ՀՀ պաշտպանության նախարարի մամլո քարտուղար, գնդապետ Սեյրան Շահսուվարյանը:Հանդիպման սկզբում Մ.Հարությունյանը ողջունեց հյուրերին` նշելով, որ ՆԱՏՕ-ի տարբեր ներկայացուցիչների պարբերական այցելությունները տարածաշրջան, մասնավորապես Հայաստան, վկայում են այն մասին, որ ՆԱՏՕ-ն շարունակական հետաքրքրություն է ցուցաբերում տարածաշրջանային զարգացումների նկատմամբ: Նախարարը նշեց նաեւ, որ շոշափելի է ՆԱՏՕ-ի դերը տարածաշրջանում եւ, որ վերջինիս հետ բազմատարր համագործակցության զարգացումը Հայաստանի համար առաջնային նշանակություն ունի: Մ.Հարությունյանը փաստեց, որ կազմակերպությունը մեծ ներդրում ունի միջազգային անվտանգության եւ կայունության ապահովման գործում, ինչի վկայությունն է Կոսովոյում եւ Աֆղանստանում իրականացվող խաղաղապահ առաքոելությունը: Հայաստանը բարձր է գնահատում կազմակերպության ջանքերը Հայաստան-ՆԱՏՕ համագործակցության զարգացման գործում, ինչի ապացույցն է ՀՀ պաշտպանական բարեփոխումների իրականացման գործում ՀՀ-ՆԱՏՕ Անհատական գործընկերության գործողությունների ծրագրի (IPAP) եւ ՆԱՏՕ-ի «Պլանավորման եւ վերանայման գործընթացի» (PARP) գործընկերության նպատակների կիրառումը: Նախարարը նկատեց նաեւ, որ ավարտված կարելի է համարել ԱԳԳ ծրագրի իրականացման առաջին` երկամյա փուլը, որի արդյունքները կքննարկվեն ապրիլ ամսին` 26+1 ձեւաչափով Հյուսի-Ատլանտյան դաշինքի նիստի ընթացքում, իսկ այս տարի կսկսվի արդեն նոր գործընթաց` պաշտպանության ռազմավարական վերանայումը: Նախարարը հավաստիացրեց, որ հայկական կողմը հաստատակամ է պաշտպանական բարեփոխումների իրականացման գործում ՆԱՏՕ-ի հետ համագործակցությունը զարգացնելու որոշման հարցում եւ հույս հայտնեց, որ համագործակցությունը հաջորդ երկու տարիների ընթացքում ավելի կընդլայնվի` ընդգրկելով նոր ոլորտներ: Հանդիպման ավարտին կողմերը մտքեր փոխանակեցին տարածաշրջանային անվտանգությանն ու կայունությանն առնչվող մի շարք հարցերի շուրջ, նախանշվեցին անելիքները մոտ ապագայում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |