«Ոչ սլավոնական արտաքինով» 8 մարդ սպանած սքինհեդների գործը հանձնվել է դատարան14 փետրվարի 2008 - 15:32 AMT PanARMENIAN.Net - Մոսկովյան շրջանի դատախազությունը դատարան է փոխանցել իրենց սքինհեդներ համարող 5 երիտասարդների վերաբերյալ հարուցած քրեական գործը, որոնք մեղադրվում են Միտիշչինի շրջանում եւ մերձքաղաքական էլեկտրագնացքներում ազգայնական հարձակումների մեջ: Ինչպես հաղորդել են շրջանային դատախազությունում, «խմբի կազմում էին 16-19 տարեկան Միտիշչինի դպրոցների հինգ աշակերտներ եւ մասնագիտական ուսումնարանների ուսանողներ, որոնցից չորսն անչափահաս են: Նրանք ծայրահեղական ազգայնական հայացքներ ունեն եւ իրենց սքինհեդներին են դասում: Բնակության վայրերում անցկացված զննումների ժամանակ առգրավվել են ծայրահեղական բովանդակության գրականություն եւ տեսանյութեր: Բացի այդ, «հաստատվել է, որ մեղադրյալները մշտապես այցելել են համապատասխան կայքեր ինտերնետ ցանցում, որտեղից մանրամասն տեղեկություններ են ստացել հանցագործություններ կատարելու միջոցների եւ պատասխանատվությունից խուսափելու մասին»: Ըստ քննության տվյալների, «խմբի անդամները նպատակաուղղված որոնել են ոչ սլավոնական արտաքին ունեցող մարդկանց եւ հարձակվել են նրանց վրա: «Ակցիայի» գնալով, նրանք զինվել են կացիններով, դանակներով, մուրճերով, ինչպես նաեւ տնտեսական ձեռնոցներով` հանցագործության հետքերը թաքցնելու համար»: 2007թ. փետրվարից ապրիլ ընկած հատվածում հանցագործությունների զոհ են դարձել Տաջիկստանի, Ղրղզստանի, Հայաստանի 5 քաղաքացիներ, ինչպես նաեւ Ռուսաստանի մեկ քաղաքացի: Տուժածներից երկուսը տեղում մահացել են ստացված վերքերից: Երեքը, որոնց ժամանակին բժշկական օգնություն է ցուցաբերվել, կենդանի են մնացել, սակայն ծանր վնասվածքներ են ստացել: Հանցավոր խմբավորման գործունեությունը կասեցվել է 2007թ. ապրիլին: Ձերբակալվածներին մեղադրանք է ներկայացվել «կազմակերպված խմբի կողմից ատելության կամ թշնամանք սերմանելու, ինչպես նաեւ մարդկային արժանապատվությունը ոտնահարելու համար` բռնության կիրառմամբ» «ազգային ատելության կամ թշնամանքի պատճառով կազմակերպված խմբի կողմից երկու կամ ավելի անձանց սպանության», ինչպես նաեւ «երկու կամ ավելի անձանց հանդեպ մահափորձ կատարելու համար» հոդվածներով: Քրեական գործն այսօր ուղղվել է Մոսկվայի շրջանային դատարան, որտեղ կլսվի երդվյալ ատենակալների կոլեգիայի կողմից, հաղորդում է ԻՏԱՐ-ՏԱՍՍ-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |