Ռիդլի Սքոթ. Սփեյսիին փոխարինելու որոշումը կայացրել եմ սեքս-սկանդալից 1 ժամ անց27 դեկտեմբերի 2017 - 12:53 AMT PanARMENIAN.Net - ԱՄՆ-ում տեղի է ունեցել XX դարի ամենաաղմկահարույց հանցագործություններից մեկի մասին պատմող ֆիլմի պրեմիերան: Ռիդլի Սքոթի «Աշխարհի բոլոր փողերը» ֆիլմը պատմում է Ամերիկայի առաջին միլիարդատեր Փոլ Գեթթիի թոռան առևանգման մասին: ՆՏՎ-ին տված հարցազրույցում ռեժիսորը հայտարարել է, որ ֆիլմի գլխավոր դերակատար Քևին Սփեյսիին 88-ամյա օսկարակիր Քրիստոֆեր Փլամերով փոխարինելու վերաբերյալ որոշումը հեշտ չի կայացվել: «Աշխարհի բոլոր փողերը» Սփեյսիի դերակատարմամբ արդեն նկարահանված էին, մոտ մեկ ամիս էր մնում մինչև էկրան բարձրանալը, երբ Սփեյսիին մեղադրեցին սեռական ոտնձգությունների մեջ: Ռիդլի Սքոթը հանեց ֆիլմից Սփեյսիի մասնակցությամբ բոլոր դրվագներն ու 9 օրում վերանկարահանեց այլ դերասանի մասնակցությամբ: «Դա չափազանց բարդ էր: Սփեյսիին փոխարինելու հիմնական որոշումը կայացրել եմ սեքս-սկանդալի մասին լուրն իմանալուց 1 ժամ անց: Ես այն ժամանակ շատ զայրացա ու ինքս ինձ ասացի. «Ես պետք է դա անեմ, ես կարող եմ շտկել ֆիլմը, գտնել դերասանին և նորից նկարահանել այդ դրվագները: Այդ դեպքում ֆիլմը պատրաստ կլինի մինչև պրեմիերայի օրը»,-ասել է Սքոթը: Ըստ նրա, Սփեյսին ու Փլամերը միանգամայն տարբեր եբ: «Սփեյսին որպես դերասան ավելի սառն է, իսկ Քրիսթոֆերը սրտով է խաղում: Նա զգացմունքայնորեն այնքան շռայլ մարդ է, որ երբ ասում է նույն կոպիտ, աններելի խոսքերը, ապա նրա խարիզման ավելի չարագուշակ է դարձնում նրա ժպիտն ու վարվեցողությունը»: Հոկտեմբերի 30-ին Սփեյսին հայտարարեց, որ հարաբերություններ է ունեցել ինչպես կանանց, այնպես էլ տղամարդկանց հետ, սակայն այժմ նա կատարել է իր ընտրությունը՝ «ապրելու է որպես միասեռական»: Այս բացահայտման պատճառը «Սթարտրեկ» սերիալի դերասան Էնթոնի Ռեփփիհայտարարությունն էր, որը մեղադրեց աստղին 1986-ին իր դեմ սեռական ոտնձգությունների մեջ, երբ Ռեփփը 14 տարեկան էր: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |