ԱԺ ընտրություններում կրկնակի քվեարկության համար ևս մի քաղաքացի է ազատազրկվել 5 փետրվարի 2018 - 18:34 AMT PanARMENIAN.Net - ՀՀ վերաքննիչ քրեական դատարանը բավարարել է 2017 թվականի ապրիլի 2-ին ԱԺ ընտրություններում կրկնակի քվեարկելու փորձ կատարած անձի ազատազրկումը պայմանականորեն չկիրառելու մասին ընդհանուր իրավասության առաջին ատյանի դատարանի դատավճիռը բեկանելու վերաբերյալ ևս մեկ բողոք: Այս մասին հայտնում է ՀՀ գլխավոր դատախազության լրատվական ծառայությունը: 2017 թվականի օգոստոսի 23-ին Շիրակի մարզի ընդհանուր իրավասության դատարան կողմից կայացվել է դատավճիռ, որով Շիրակի մարզի Ամասիա գյուղի բնակիչ Դավիթ Ալեքսանյանը մեղավոր էր ճանաչվել իրեն կրկնակի քվեարկության փորձի համար և դատապարտվել ազատազրկման 2 տարի ժամկետով: Սակայն նրա նկատմամբ նշանակված պատիժը պայմանականորեն չի կիրառվել և սահմանվել էր փորձաշրջան՝ 2 տարի ժամկետով: Շիրակի մարզի Ամասիա գյուղի բնակիչ Դավիթ Ալեքսանյանը 2017 թվականի ապրիլի 2-ին՝ ժամը 18:47-ին, Ամասիայի թիվ 30/37 ընտրատեղամասում անցկացվող ՀՀ Ազգային ժողովի ընտրությունների ժամանակ ներկայացել է հանձնաժողովի անդամ, տեխնիկական սարքի օպերատորին և, ներկայացնելով իր նույնականացման քարտը՝ կատարել սահմանված կարգով քվեարկություն: Սակայն րոպեներ անց մուտք գործելով ընտրատեղամաս, կրկին քվեարկություն կատարելու դիտավորություն ունենալով՝ մոտեցել է նույն տեխնիկական սարքի օպերատորին և ներկայացրել անձնագիրը, սակայն իր կամքից անկախ հանգամանքներով հանցագործությունը ավարտին չի հասցրել, քանի որ համապատասխան սարքի միջոցով արձանագրվել է նրա կողմից կրկնակի քվեարկություն կատարելու փորձ: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |