ԼՂՀ. Ադրբեջանը փորձում է կրճատել չեզոք գոտու լայնությունը11 մարտի 2008 - 14:03 AMT PanARMENIAN.Net - «Ադրբեջանական կողմն ավելի քան ութ տարի է, ինչ ակտիվ աշխատանքներ է տանում իր դիրքերը սահմանին մոտեցնելու ուղղությամբ` կրճատելով չեզոք գոտու լայնությունը: Փորձը ցույց է տալիս, որ հրադադարի ռեժիմը խախտվում է հենց այն կետերում, որտեղ ամենամոտիկն են տեղակայված հակադիր կողմերի դիրքերը: Իրավիճակի սրման արմատներն անհրաժեշտ է փնտրել հրադադարի ռեժիմի պահպանման` միջազգային հստակ մեխանիզմների բացակայության մեջ: Աշխատանքը, որն իրականացվում է ԵԱՀԿ գործող նախագահի անձնական ներկայացուցչի գրասենյակի կողմից, արտահայտվելով մաթեմատիկական լեզվով, անհրաժեշտ է, բայց ոչ բավարար»,-հայտարարելէ ԼՂՀ արտգործնախարարի նախկին տեղակալ Մասիս Մայիլյանին: Նրա խոսքերով, Մարտակերտի ուղղությամբ վերջերս տեղի ունեցած իրադարձությունները միջազգային լայն արձագանք են ստացել: Դա խոսում է այն մասին, որ ղարաբաղյան խաղաղ գործընթացներում ներգրավված երկրներն ու կազմակերպությունները շահագրգռված են մեր տարածաշրջանում կայունության եւ խաղաղության պահպանմամբ: «Քանի որ տարածաշրջանային կայունության հարցում մեր պետության շահերը համընկնում են տարածաշրջանի առանցքային խաղացողների շահերի հետ, նպատակահարմար կլիներ սկսել ակտիվ խորհրդակցություններ ԵԱՀԿ ՄԽ եւ միջնորդ-երկրների հետ` հրադադարի ռեժիմի վերահսկման մեխանիզմներ ստեղծելու ուղղությամբ: Խորհրդակցության ընթացքում ԼՂՀ-ն` որպես հակամարտության կողմ, կարող է հանդես գալ ԵԱՀԿ դիտորդների կողմից մոնիտորինգների հաճախակի անցկացման նախաձեռնությամբ, իսկ երկրորդ փուլում միջազգային վերահսկումը կարող է պերմանենտ բնույթ կրել»,-նշել է դիվանագետը: Նա նաեւ գտնում է, որ բանակցությունների ընթացքում անհրաժեշտ է քննարկել ԵԱՀԿ նոր առաքելության ստեղծման եւ տարածաշրջան ուղարկելու հարցը կամ ԵԱՀԿ ՆԱՆ գրասենյակի կազմի եւ իրավասությունների ընդլայնման հարցը: «Համաձայնեցված մեխամիզմների արդյունավետությունը բարձրացնելու համար անհրաժեշտ է հասնել չեզոք գոտու լայնացմանը` պատերազմից հետո ստեղծված իրավիճակի վերականգնման ուղղությամբ (status quo post bellum): Այսինքն, ադրբեջանական զինված խմբավորումները պետք է վերադառնան այն դիրքերը, որոնք նրանք զբաղեցնում էին 1994 թվականին։ Շփման գծի հստակ տվյալները կարող են ներկայացվել ինչպես ԵԱՀԿ համանախագահ երկրների, այնպես էլ` ԵԱՀԿ գրասենյակի կողմից, որոնց ներկայացուցիչներն արդեն շուրջ տասը տարի դիտարկումներ են անցկացնում շփման գծում: Ստեղծված իրավիճակում, ԼՂՀ նախաձեռնությունը կարող է բարձրացնել ինչպես մեր քաղաքացիների ֆիզիկական անվտանգությունը, այնպես էլ հստակեցնել ԼՂՀ սուբյեկտությունը»,-ասել է Մասիս Մայիլյանը, հաղորդում է KarabakhOpen-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |