Ադրբեջանի ինքնախաբեությունը կարող է լրջորեն ազդել ղարաբաղյան գործընթացի վրա20 մարտի 2008 - 16:22 AMT PanARMENIAN.Net - Հայաստանի արտգործնախարար Վարդան Օսկանյանը գոհ է ՄԱԿ-ի Գլխավոր վեհաժողով Ադրբեջանի կողմից ներկայացված «Իրավիճակը Ադրբեջանի օկուպացված շրջաններում» բանաձեւը չպաշտպանած երկրների քանակից: «Ես նրանց որոշումը դրական եմ գնահատում: Այս բանաձեւը ՄԱԿ-ի ԳՎ կողմից ոչ պարտադիր, խորհրդատվության բնույթ ունեցող հայտարարութուն է, եւ չեմ կարծում, որ այն կարող է ազդել Լեռնային Ղարաբաղի հակամարտության կարգավորման գործընթացի վրա, եթե իհարկե Ադրբեջանը խաբեությամբ կամ ինքնախաբեությամբ չտարվի»,- նշել է Վ. Օսկանյանը: Նրա խոսքերով, սա ոչ պիտանի, անժամանակ, անիմաստ քայլ էր ինչպես գործընթացի, այնպէս էլ բովանդակության տեսանկյունից: «Եթե նրանք մտադիր են սա կիրառել իրենց ներքին գործերից դուրս որեւէ այլ պատճառներով, եւ իրենք իրենց համոզել են, որ միջազգային հանրությունն իրապես պաշտպանում է օրինագծում տեղ գտած իրենց միակողմանի ձգտումները, ապա սա լուրջ խնդիրներ կառաջացնի բանակցային գործընթացում: Ադրբեջանի համար մի բան պետք է հստակ լինի, օրինագծերի ոչ մի քանակ չի կարող ստիպել Լեռնային Ղարաբաղին ետ կանգնելու ինքնորոշման ճանապարհից: Պատմության մեջ ցույց տվեք ինձ մի օրինակ, երբ հակամարտությունը լուծվել է միջազգային կազմակերպության կամ երրորդ երկրի կողմից որեւէ փաստաթղթի ներկայացմամբ կամ ընդունմամբ: Նման բան ոչ տեղի է ունեցել, ոչ էլ հաստատ տեղի կունենա Լեռնային Ղարաբաղի պարագայում: Գլխավոր ժողովի 1948 թվականի` Պաղեստինի բաժանման վերաբերյալ բանաձեւը ոչ մի հարց չլուծեց: Բոլորովին վերջերս Անվտանգության խորհրդի Կոսովոյի վերաբերյալ բանաձեւը նույնպես ընդունելի ճանապարհով կողմերին համաձայնության չհանգեցրեց: Հիշում եմ, երբ Լիսաբոնում ԵԱՀԿ-ի գործող նախագահը Լեռնային Ղարաբաղի վերաբերեալ որոշում ընդունեց, Ադրբեջանի ուրախությունն անսահման էր: Ադրբեջանից տարիներ պահանջվեց հասկանալու համար, որ այդ փաստաթուղթը արժեք չուներ»,- ընդգծել է ՀՀ արտգործնախարարը:Անդրադառնալով միջազգային հանրության կողմից Հայաստանին ուղղված պատգամին, Օսկանյանը նշել է, որ դա ընդամենը Ադրբեջանի պատգամն է: «Պնդելով այս ոչ պիտանի, չհամաձայնեցված բանաձեւի ընդունման վրա, Ադրբեջանը ցոյց տվեց երկու բան. որ ցանկանում է խուսափել Մինսկի խմբի գործընթացից, հետեւաբար նաեւ ներկայումս բանակցային սեղանին դրված փաստաթղթից, եւ որ իրենք պատրաստ են համագործակցել միայն համաձայն իրենց ցանկությունների, այլ ոչ թէ փոխզիջումների ճանապարհով: Սա դժբախտաբար այն պատգամն է, որ մեզ մնաց այս ամենից»,- հայտարարել է Վարդան Օսկանյանը «Ազդակ» թերթին տված հարցազրույցում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |