Հետաքննություն. Սկրիպալների մահափորձի մեջ կասկածվողը ՌԴ ԶՈւ ԳՇ Հետախուզության վարչության գնդապետ է27 սեպտեմբերի 2018 - 11:34 AMT PanARMENIAN.Net - The Insider-ը և Bellingcat-ը համատեղ հետաքննությամբ պարզել են, որ Մեծ Բրիտանիայի Սոլսբերի քաղաքում նախկին ռուս հետախույզ Սերգեյ Սկրիպալի և նրա դստեր դեմ մահափորձի մեջ կասկածվողներից մեկը՝ Ռուսլան Բոշիրովը, իրականում ՌԴ ԶՈւ ԳՇ Հետախուզության գլխավոր վարչության (ԳՀՎ) գնդապետ Անատոլի Չեպիգան է: Չեպիգան ծնվել է 1979 թվականի ապրիլի 5-ին ռուս-չինական սահմանին տեղակայված Նիկոլաևկա գյուղում: Նա 18 տարեկանում ընդունվել է Հեռավոր Արևելքի բարձրագույն զինվորական հրամանատարական ուսումնարան, որտեղ պատրաստում էին նաև ԳՀՎ սպաներ: Չեպիգան ուսումնարանն ավարտելուց հետո ծառայության է անցել հատուկ ծառայության ուժերի 14-րդ ստորաբաժանումում, մեծ դերակատարություն է ունեցել Ռուս-չեչենական պատերազմում, իսկ 2014-ին ՌԴ նախագահ Վլադիմիր Պուտինի հրամանագրով նրան շնորհվել է «Ռուսաստանի հերոս» կոչումը:
Մեծ Բրիտանիայի ոստիկանությունը հրապարակել էր հետագայում ԶԼՄ-ներին որպես Ալեքսանդր Պետրով և Ռուսլան Բոշիրով ներկայացող՝ Սկրիպալների դեմ մահափորձի մեջ կասկածվող անձանց լուսնկարները, որոնք դեպքի օրը եղել են անգլիական Սոլսբերի քաղաքում:
Սեպտեմբերի 12-ին Ռուսաստանի նախագահ Պուտինը, արձագանքելով բրիտանացի իրավապահների պնդումներին, ասել էր, որ «իրենք գտել են Սկրիպալների դեմ մահափորձի մեջ կասկածվողներին, և որ նրանք քաղաքացիական անձինք են, ոչ մի կրիմինալ բան այնտեղ չկա»: Հաջորդ օրը կասկածյալները հարցազրույց են տվել ռուսաստանյան Russia Today հեռուստաալիքին, որտեղ վերջիններս չէին ընդունել իրենց ներկայացված մեղադրանքը: Նրանք պնդել էին, թե «զբաղվում են ձեռներեցությամբ ֆիթնեսի և առողջ ապրելակերպի ոլորտներում, հաճախ են ճանապարհորդում Եվրոպայում»: Կասկածյալների խոսքով, Մեծ Բրիտանիա էին գնացել որպես զբոսաշրջիկ, իսկ Սոլսբերիում այցելել են տեսարժան վայրերը։ Մարտի 4-ին 66-ամյա Սերգել Սկրիպալին ու նրա դստերը Յուլիային անգիտակից վիճակում հայտնաբերել են բրիտանական Սոլսբերի քաղաքում նստարանին, ծայրահեղ ծանր վիճակում տեղափոխել հիվանդանոց: Մեծ Բրիտանիան նրանց թունավորման համար մեղադրում է Ռուսաստանին: Մեծ Բրիտանիան, Ա ՄՆ-ն և մի քանի այլ երկրներ դեպքի հետ կապված արտաքսեցին ռուսաստանցի դիվանագետների: Իր հերթին ՌԴ-ն արտաքսեց արևմտյան երկրների դիվանագետներին: Մահափորձի ժամանակ օգտագործվել էր «Նովիչոկ» կոչվող նյարդապարալիզացնող միջոցը, որը մշակվել և արտադրվել էր Խորհրդային Միությունում։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |