Սարալանջով հանդիպակաց երթևեկող ավտոբուսի վարորդն ազատվել է աշխատանքից
Ճանապարհային երթևեկության կանոնների կոպիտ խախտում թույլ տված ավտոբուսի վարորդը հեռացվել է աշխատանքից: Այս մասին հայտնում է Երևանի քաղաքապետարանի ֆեյսբուքյան պաշտոնական էջը:
«Համացանցում տարածված տեսանյութում ճանապարհային երթևեկության կանոնների կոպիտ խախտում թույլ տված ավտոբուսի վարորդը «Երևանի ավտոբուս» ՓԲԸ-ի տնօրենի հրամանով հեռացվել է աշխատանքից», - նշված է քաղաքապետարանի հաղորդագրության մեջ:
Ավելի վաղ համացանցում տարածվել է տեսանյութ, որում երևում է, թե ինչպես է ավտոբուսի վարորդը հանդիպակաց երթևեկում միակողմանի երթևեկություն ունեցող Սարալանջի փողոցով:
