Համաներվածներից 30-ն արդեն նոր հանցագործություն է կատարել30 հունվարի 2019 - 13:32 AMT PanARMENIAN.Net - Համաներման օրենքի ընդունումից հետո կատարված հանցագործությունների ցուցանիշների համաձայն վերջին տվյալներով ազատ արձակված 581 անձից 30-ը կրկին կատարել է 42 հանցագործություն՝ այսօրվա դրությամբ։ Այդ մասին հայտարարել է ՀՀ ոստիկանության շտաբի պետ, ոստիկանության գնդապետ Արմեն Ղուկասյանը։ Նրանք կատարել են 1 ավազակություն, 28 գողություն, որից 10-ը բնակարանային, հայտնում է Panorama.am-ը։ Ոստիկանության գնդապետը հայտնել է նաև, որ 2018-ի ընթացքում հանրապետությունում գրանցված հանցագործությունների ընդհանուր թվաքանակը աճել է 11,2 տոկոսով կամ 2267 դեպքով։ 2017 թվականին եղել է 20284, 2018-ին՝ 22551: Արմեն Ղուկասյանը նշել է, որ գրանցված հանցագործությունների ընդհանուր թվաքանակի աճը գրանցվել է այդ թվում նաև կոռուպցիոն բնույթի հանցագործությունների բացահայտմամբ պայմանավորված: Ոստիկանության շտաբի պետը նշել է նաև, որ բարձրացել է քաղաքացիների կողմից ոստիկանության դիմելիությունը. «Եթե 2017-ին ոստիկանության ստորաբաժանումները ստացվել են առերևույթ հանցագործության մասին 32321 հաղորդում, ապա 2018-ին դրանց թիվն աճել է 9145-ով»։ «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ հայտարարված համաներումն ընդհանուր առմամբ տարածվել է մոտ 6500 անձի վրա, ազատ է արձակվել 581 համաներված. կրճատվել է մի քանի հարյուր դատապարտյալների պատժաչափը։ 2018-ի նոյեմբերի 23-ին ՀՀ գլխավոր դատախազ Արթուր Դավթյանը հրաման է ստորագրել նոյեմբերի 6-ին ուժի մեջ մտած քրեական գործերով համաներում հայտարարելու մասին ՀՀ օրենքի կիրառման գործընթացի օրինականության նկատմամբ դատախազական հսկողություն ու վերահսկողություն իրականացնելու վերաբերյալ: Կազմվել և ոստիկանություն է ուղարկվել պատժի կրումից ազատված, ռիսկերը պարունակող անձանց ցանկ՝ նրանց մշտական օպերատիվ տեսադաշտում պահելու, այդ անձանց մոտ հանցանք կատարելու նախահակվածությունը նվազագույնի հասցնելուն ուղղված համապատասխան աշխատանքներ իրականացնելու համար: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |