Բաքուն Արցախի բանտից ազատված ադրբեջանցու միջազգային հետախուզում է հայտարարել 6 փետրվարի 2019 - 11:04 AMT PanARMENIAN.Net - Բաքուն Արցախի բանտից ազատ արձակված ադրբեջանցի սահմանախախտ Էլնուր Էլման օղլի Հուսեյնզադեի միջազգային հետախուզում է հայտարարել: Արցախի ընդհանուր իրավասության առաջին ատյանի դատարանի 2018-ի փետրվարի 9-ի դատավճռով 2 տարի ազատազրկման դատապարտված Էլնուր Էլման օղլի Հուսեյնզադեն ԱՀ Ոստիկանության ՔԿՎ քրեակատարողական հիմնարկում պատիժը կրելուց հետո 2019թ. փետրվարի 2-ին ազատ է արձակվել: Ավելի ուշ հայտնի դարձավ, որ Հուսեյնզադեն չի ցանկանում վերադառնալ Ադրբեջան և երրորդ երկիր կտեղափոխվի: Ըստ ադրբեջանական ԶԼՄ-ների, Հուսեյնզադեն 2017-ի փետրվարի 1-ին «անցել է հակառակորդի կողմը», իսկ Ադրբեջանի զինվորական դատախազությունն այդ փաստով քրեական գործ է հարուցել նրա դեմ: Նշվում է, որ 2017-ի փետրվարի 17-ին որոշում է կայացվել Էլնուր Հուսեյնզադեին մեղադրանք առաջադրել «պետական դավաճանություն» հոդվածով, և նրա հետախոզում է հայտարարվել, հայտնում է Haqqin.az-ը: Ադրբեջանի զինդատախազությունը հայտարարել է, թե «Հուսեյնզադեն Ադրբեջանի ԶՈւ շարքերում ծառայության ժամանակ աչքի է ընկել անկարգապահությամբ և բազմիցս ինքնակամ լքել է ծառայության վայրը»: Ավելի վաղ Արցախի ԱԳՆ-ն հայտարարել էր Ադրբեջանի քաղաքացի Էլնուր Հուսեյնզադեին Բաքվին հանձնելու պատրաստակամության մասին։ 2017-ի փետրվարի 1-ի ցերեկը՝ մառախուղից օգտվելով, Հուսեյնզադեն զինված ստորաբաժանման հետ փորձել էր ներթափանցել հայկական դիրքեր Թալիշի ուղղությամբ։ Հայկական զինծառայողները, սակայն, կարողացել են կանխել խմբի առաջխաղացման փորձը․ առնվազն 1 ադրբեջանցի զինծառայող վիրավորվել էր (նույն օրը Բաքուն հայտնել էր սերժանտ Ռաուֆ Իսաևի վիրավորվելու մասին), Հուսեյնզադեն՝ գերեվարվել։ ՊԲ-ն զոհեր և վիրավորներ նշված գործողության ժամանակ չէր ունեցել։ Ընթերցեք նաև. Արցախը պատրաստ է ադրբեջանցու հանձնել Բաքվին․ Ով է նա Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |