Ռուբեն Սաֆրաստյան. պետք չէ գերագնահատել Աբդուլլա Գյուլի` Հայաստան այցելելու կարեւորությունը 1 սեպտեմբերի 2008 - 17:03 AMT PanARMENIAN.Net - Թուրքիայի նախագահ Աբդուլլա Գյուլի` Հայաստանի նախագահ Սերժ Սարգսյանի հրավերն ընդունելու եւ ֆուտբոլային հանդիպման համար Երեւան գալու համաձայնությունը պայմանավորված է ընդհանուր աշխարհաքաղաքական իրադրության կտրուկ փոփոխմամբ` կապված ՌԴ կողմից Հարավային Օսիայի եւ Աբխազիայի անկախության ճանաչման հետ: Այդ մասին PanARMENIAN.Net ի թղթակցին հայտնել է ՀՀ ԳԱԱ արեւելագիտության ինստիտուտի տնօրեն պրոֆեսոր Ռուբեն Սաֆրաստյանը: «Թուրքիան փորձեց իրադրությունը նախկին հունի մեջ բերել եւ իրավիճակի կայունացման համար «Կովկասյան պլատֆորմ» առաջարկեց: Բայց, դրա հետ մեկտեղ, նա փորձում է իր անկյունը գտնել այն պայմաններում, երբ Ռուսաստանը ջանասիրաբար իր ներկայությունն է ամրապնդում Կովկասում: Հենց այդ պատճառով էլ նա համաձայնել է գալ Երեւան», -ասել է հայ գիտնականը: Բացի այդ, նա նշել է, որ պետք չէ գերագնահատել այդ այցի նշանակությունը: «Հայաստանի նախագահը ճիշտ է վարվել` ընդառաջ քայլ անելով: Իսկ Թուրքիան պարզապես փորձում է ավելի ճկուն քաղաքականություն վարել Հայաստանի նկատմամբ, բայց հիմնական սկզբունքները, որոնց վրա հիմնված է այդ քաղաքականությունը, չեն փոփոխվի: Ճիշտ է, դրական տեղաշարժեր կլինեն, եւ դա արդեն լավ է: Ինչ վերաբերում է Ադրբեջանի դիրքորոշմանը, ապա չեմ կարծում, որ Թուրքիան նրան կզոհաբերի իր ազգային շահերը: Ադրբեջանն այն երկիրը չէ, հանուն որի կարելի է նման քայլի գնալ: Կա նաեւ Հայոց ցեղասպանության մասին ԱՄՆ Կոնգրեսի 106-րդ բանաձեւը, որն, իմ կարծիքով, դեմոկրատների իշխանության գալուց հետո նորից օրակարգի մեջ կմտնի», -ընդգծել է Սաֆրաստյանը: Ինչ վերաբերում է Գյումրի-Կարս երկաթուղային ճանապարհի հնարավոր շահագործմանը, ապա Ռուբեն Սաֆրաստյանը գտնում է, որ դա լիովին հավանական է, առավել եւս, որ այդ ճանապարհում հետաքրքրված է Ռուսաստանը: «Հաղորդակցության վերականգնումը կնշանակի Կարս-Թբիլիսի-Բաքու երկաթուղային ճանապարհի նախագծի միառժամանակյա սառեցում», -ասել է նա: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |