Մնացականյան. ՀՀ-ն կարևոր օրակարագ ունի ինչպես ՌԴ-ի, այնպես էլ Վրաստանի հետ 6 հունիսի 2019 - 14:27 AMT PanARMENIAN.Net - Հայաստանը կարևոր օրակարգ ունի ինչպես ՌԴ-ի, այնպես էլ Վրաստանի հետ: Այդ մասին հայտարարել է ԱԳ նախարար Զոհրաբ Մնացականյանը Ազգային ժողովի արտաքին հարաբերությունների ու ֆինանսավարկային և բյուջետային հարցերի մշտական հանձնաժողովների համատեղ նիստին 2018-ի բյուջեի կատարողականի քննարկման ժամանակ, հայտնում է «Հայկական ժամանակը»: «Իմ քայլը» խմբակցության պատգամավոր Շիրակ Թորոսյանը ԱԳ նախարար Զոհրաբ Մնացականյանից հետաքրքրվել է ՄԱԿ-ի գլխավոր վեհաժողովի 73-րդ նստաշրջանում Վրաստանի կողմից ներկայացված «Աբխազիայից և Հարավային Օսիայից բռնի տեղահանված անձանց և փախստականների կարգավիճակի մասին» բանաձևից, որի քվեարկությանը ՀՀ-ն չի մասնակցել։ Թորոսյանը հետաքրքրվել է, թե արդյոք սա ՀՀ-Վրաստան փոխհարաբերությունների նոր որակ է, միջազգային հարթակներում համագործակցության հնարավորություն է, վերադարձ է նախկին ջենթլմենական պայմանավորվածությանը և արդյո՞ք ՀՀ-ն էլ կարող է ակնկալել նման չեզոք վերաբերմունք իր նկատմամբ։ Մնացականյանն ասել է որ ՀՀ-ն ունի ռազմավարական գործընկերություն ՌԴ-ի հետ և ծավալուն օրակարգ. «Մեր ձևավորված խորը հարաբերությունների օրակարգը ՌԴ-ի հետ մնում է անփոփոխ և մենք շարունակել ու շարունակելու ենք այդ հարաբերություների խորացումը, որը նաև ընդգրկված է կառավարության ծրագրում»,- ասել է ԱԳ նախարարը: Մնացականյանը նշել է, որ Հայաստանը նաև ունի կարևորագույն օրակարգ Վրաստանի հետ որպես հարևան պետություն: «Նույնպես ընդարձակ և կարևոր օրակարգ ունենք համագործակցությունների, որոնք նույնպես առնչվում են տարածաշրջանային անվտանգությանը և կայունությանը և մենք առաջնորդվում ենք արտաքին քաղաքականության այս երկու կարևորագույն ուղղություններով՝ համադրելով երկու շատ կարևոր բարեկամ երկրների հետ մեր հարաբերությունները կառուցելիս»,- ասել է Մնացականյանը: ՄԱԿ-ի գլխավոր ասամբլեայի 73-րդ նիստում Հայաստանն առաջին անգամ չի մասնակցել Վրաստանի ներկայացրած բանաձևի քվեարկությանը:ՄԱԿ-ում Վրաստանի մշտական ներկայացուցիչ Կահա Իմնաձեն թվիթերյան իր միկրոբլոգում հրապարակել է քվեարկության արդյունքները, համաձայն որի ՀՀ-ն չի մասնակցել Վրաստանի կողմից 2008 թվականից նախաձեռնած Աբխազիայի և Հվ. Օսիայի փախստականների կարգավիճակի մասին բանաձևի քվեարկությանը: ՀՀ-ն նախկինում միշտ դեմ է քվեարկել Վրաստանից ներկայացրած բանաձևին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |