Թուրքիայի, Ադրբեջանի եւ Ռուսաստանի ներկայացուցիչները չեն մասնակցում Հայաստանում ՆԱՏՕ-ի զորավարժություններին29 սեպտեմբերի 2008 - 16:27 AMT PanARMENIAN.Net - ՆԱՏՕ-ի «Cooperative Longbow/Lanser-2008» զորավարժությունները, «Գործընկերություն հանուն խաղաղության» ծրագրի եւ «Ստամբուլի համագործակցության նախաձեռնության» շրջանակներում, Հայաստանում անցկացնելու մասին որոշումը կայացվել էր 2007թ. հոկտեմբերին: Այս մասին Երեւանում կայացած մամլո ասուլիսի ժամանակ հայտարարել է ՀՀ ԶՈՒ Գլխավոր շտաբի պետի տեղակալ, գեներալ-մայոր Արշալույս Փայտյանը: Նրա խոսքերով, ՆԱՏՕ-ի զորավարժությունների անցկացումը կախված չէ Հավաքական անվտանգության պայմանագրի կազմակերպությունից` ՀԱՊԿ-ից, որի անդամն է Հայաստանը: «Այս տարի մենք հյուրընկալել ենք նաեւ ՀԱՊԿ-ի «Ռուբեժ-2008» զորավարժությունները, որոնք գերազանց գնահատական ստացան կազմակերպության ղեկավարության կողմից: Մենք կարծում ենք, որ Դաշնության ղեկավարությունը եւս նմանատիպ գնահատական կտա Հայաստանում անցկացվող «Cooperative Longbow/Lancer-2008» ՆԱՏՕ-ի զորավարժություններին: Հայաստանը գտնում է, որ համագործակցությունը ռազմական ոլորտում ուղղված է տարածաշրջանում խաղաղության պահպանմանը: Ես նաեւ գտնում եմ, որ ՆԱՏՕ-ի զորավարժությունները չեն ազդի տարածաշրջանի ռազմաքաղաքական իրավիճակի վրա, քանի որ անցնում են ՄԱԿ-ի հովանու ներքո»,-ասել է Փայտայնը: Հայաստանի ներկայացուցիչը հավելել է, որ վրացական բանակի վաշտի մասնակցությունը նախատեսվում էր, սակայն նրանք չեն մասնակցի զորավարժություններին օբյեկտիվ եւ բոլորին հայտնի պատճառներով: Ինչ վերաբերում է Թուրքիայի, Ռուսաստանի եւ Ադրբեջանի ներկայացուցիչներին, ապա գեներալ-մայորը նշել է, որ մասնակցության հրավեր են ստացել «Գործընկերություն հանուն խաղաղության» ծրագրի բոլոր մասնակիցները: «Ընդունել հրավերը թե ոչ որոշում է յուրաքանչյուր երկիր, ելնելով իր շահերից»,-ասել է Փայտյանը: Սեպտեմբերի 29-ին պաշտոնապես մեկնարկեցին ՆԱՏՕ-ի «Cooperative Longbow/Lancer-2008» զորավարժությունները «Գործընկերություն հանուն խաղաղության» ծրագրի եւ «Ստամբուլի համագործակցության նախաձեռնության» շրջանակներում: Զորավարժություններին մասնակցում են շուրջ 900 զինծառայողներ 17 երկրներից: Զորավարժությունների նպատակն է ՄԱԿ-ի մանդատով գործող ՆԱՏՕ-ի ուժերի կառույցներում համատեղ գործողությունների հմտության մշակումը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |