Ռուսաստանը որոշել է ուժեղացնել իր ազդեցությունը Երեւանի եւ Բաքվի վրա ղարաբաղյան գործընթացին միջնորդելու ճանապարհով23 հոկտեմբերի 2008 - 18:49 AMT PanARMENIAN.Net - Հաշվի առնելով հայ-ռուսական հարաբերությունների առանձնահատուկ բնույթը, ինչպես նաեւ Կովկասի վերջին իրադարձությունները` կարելի է ասել, որ բոլոր այդ երեւույթները յուրահատուկ համ են հաղորդել Ռուսաստանի նախագահ Դմիտրի Մեդվեդեւի` Հայաստան կատարած այցին: Այդ մասին այսօր Երեւան-Մոսկվա հեռուստակամուրջի ընթացքում հայտնել է կրթության, գիտության, մշակույթի, սպորտի եւ երիտասարդության հարցերով ՀՀ ԱԺ մշտական հանձնաժողովի նախագահ Արմեն Աշոտյանը: «Բնական է, որ, խոսելով հայ-ռուսական հարաբերությունների մասին, մենք ելնում ենք երկու բաղադրիչներից: Առաջին բաղադրիչը դարավոր բարեկամությունն է, որը հանդիսանում է երկկողմ հարաբերությունների ֆունդամենտալ հիմքը: Երկրորդ բաղադրիչը քաղաքականն է: Այդ բաղադրիչը նյութականացվում է կախված աշխարհում եւ տարածաշրջանում տեղի ունեցող զարգացումներից, կախված այն բանից, թե գլոբալ խաղացողների ինչ շահեր են ընդհարվում տարածաշրջանում: Վրաստանի վերջին իրադարձությունները լուսաբանեցին հենց այդ մոտեցումը հայ-ռուսական հարաբերություններում»,- նշել է Արմեն Աշոտյանը: Նրա խոսքերով, Ռուսաստանը Հայաստանին հետաքրքրում է ոչ միայն որպես մարտավարական գործընկեր: Երեւանը շահագրգռված է ղարաբաղյան հակամարտության կարգավորման գործում ռուսական օգնության մեջ, քանի որ Ռուսաստանը հանդիսանում է ԵԱՀԿ Մինսկի խմբի համանախագահը: Բացի այդ, Հայաստանին հետաքրքրում է Ռուսաստանի աջակցությունը երկրի անվտանգությանը: Միեւնույն ժամանակ Արմեն Աշոտյանը նկատել է, որ այսօր ակնհայտ է, որ «Հայաստանն ու Ռուսաստանը տարածաշրջանում լիարժեք չեն բավարարում միմյանց աշխարհաքաղաքական կարիքները»: «Հայ-ռուսական հարաբերությունները կարիք ունեն լրացուցիչ բաղադրիչների: Այդ տեսակետից անհրաժեշտ է հանգիստ վերաբերվել տարածաշրջանում հայ-եվրոպա-ամերիկյան եւ ռուս-թուրք-ադրբեջանական աշխարհաքաղաքական խաղերին, քանի որ դրանք ուղղված են այն ազգային շահերի բավարարմանը, որոնք Հայաստանն ու Ռուսաստանը չեն կարող միմյանց առաջարկել»,- գտնում է հայ խորհրդարանականը եւ նշում, որ երկար ժամանակով կորցնելով իր ազդեցությունը Վրաստանի վրա` Ռուսաստանը տարածաշրջանում առավել մեծ հսկողության հասնելու համար որոշել է ուժեղացնել իր ազդեցությունը Երեւանի եւ Բաքվի վրա ղարաբաղյան գործընթացին միջնորդելու ճանապարհով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |