ԱԳՆ ղեկավարն ու «Իմ քայլը» փակ հանդիպմանը քննարկել են ՀՀ-ի արտաքին անվտանգության հարցերը

ԱԳՆ ղեկավարն ու «Իմ քայլը» փակ հանդիպմանը քննարկել են ՀՀ-ի արտաքին անվտանգության հարցերը

PanARMENIAN.Net - Լեռնային Ղարաբաղի հարցով Ադրբեջանի հետ բանակցային գործընթացը շարունակվում է, իշխող Կառավարության օրոք այն չի հետաձգվել և չի ձգձգվել: Այս մասին հայտարարել է արտգործ նախարար Զոհրաբ Մնացականյանն իշխող «Իմ քայլը» խմբակցության անդամների հետ փակ հանդիպումից առաջ:

Նախարարի խոսքով՝ նման հանդիպումները պարբերական են, այս անգամ հրավիրողն «Իմ քայլը» խմբակցությունն է և քննարկվելու են տարածաշրջանային զարգացումները, արտաքին ոլորտի մասով՝ ՀՀ-ի ազգային անվտանգության հարցեր:

Անդրադառնալով վարչապետի հայտարարությանը, թե Արցախյան հարցի կարգավորման մասով բանակցային սեղանին որևէ փաստաթուղթ չկա՝ Մնացականյանը նշել է, որ գործընթացը 25 տարի է՝ ընթանում է, իսկ Միսնկի խումբը շարունակում է ՀՀ-ի համար մնալ ամենագործուն և էֆեկտիվ շրջանակը:

Մնացականյանը հիշեցրել է նաև, որ նախարարների մակարդակով բավարար թվով հանդիպումներ են կայացել, իսկ բանակցությունները շարունակվում են:

Արցախյան հակամարտության հետ կապված՝ Հայաստանին և Ադրբեջանին խնդրի կարգավորման համար առաջարկված հիմնական փաստաթուղթը համարվում են «Մադրիդյան սկզբունքները»: Դրանք կոչ են անում Լեռնային Ղարաբաղը շրջապատող տարածքների վերադարձ Ադրբեջանին, Լեռնային Ղարաբաղի միջանկյալ կարգավիճակ՝ անվտանգության և ինքնակառավարման երաշխիքների տրամադրումով, Հայաստանը Լեռնային Ղարաբաղին կապող միջանցք, Լեռնային Ղարաբաղի վերջնական իրավական կարգավիճակի հետագա սահմանում՝ իրավականորեն պարտադիր կամարտահայտման միջոցով, ներքին տեղահանված և փախստականների՝ իրենց բնակության նախկին վայրերը վերադառնալու իրավունք, անվտանգության միջազգային երաշխիքներ, որոնք կներառեն նաև խաղաղապահ գործունեություն:

Անդրադառնալով ԱՄՆ-Իրան հարաբերություններին՝ նա նշել է, որ Հայաստանի համար անհանգստացնող է տարածաշրջանում կայունության խափանումը: Մնացականյանի խոսքով՝ հայկական կողմը հուսով է, որ միայն խաղաղ ճանապարհներով հնարավոր կլինի իրավիճակը կայունացնել և խուափել էսկալացիայի տանող զարգացումներից:

 Ուշագրավ
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը
Պատգամավորների՝ ՍԴ մասին պատկերացումները չեն համընկել և որոշ դեպքերում անընդունելի են եղել Ավետիսյանի համար։
Վարչապետը հանդիպել է Պաշտպանության նախարարության և Զինված ուժերի ղեկավար կազմի հետ
Նալբանդյանն ավելի վաղ համաձայնել էր տեսակապով զրուցելուն