  Եվրամիությունը կիսում է Հայաստանի մոտեցումները տարածաշրջանային խնդիրներին27 նոյեմբերի 2008 - 15:23 AMT PanARMENIAN.Net - Հարավային Կովկասի տարածաշրջանը, որն արտաքին ուժերն ընկալում են որպես միասնական ամբողջություն, տարանջատված է ներքին հակասություններով: Այդ մասին այսօր Երեւանում կայացած «Եվրամիությունն ու Հարավային Կովկասը. Անվտանգ գործընկերությո՞ւն» խորագրով միջազգային խորհրդաժողովի ժամանակ հայտարարել է ՀՀ փոխարտգործնախարար Արման Կիրակոսյանը: Նրա խոսքերով, եթե պատշաճ կերպով չվերլուծվեն օգոստոսյան իրադարձությունները, ապա հնարավոր կլինի եւս մեկ ռազմական հակամարտություն: «Հայաստանն անկեղծորեն շահագրգռված է տարածաշրջանային համագործակցության մեջ, ինչը մեր պատասխանն է տարածաշրջանի այլ երկրների փորձերին` մեկուսացնել մեզ տնտեսական նախագծերից»,-ասել է Կիրակոսյանը: Հայ դիվանագետն ընդգծել է նաեւ, որ Եվրամիությունը կիսում է Հայաստանի մոտեցումները տարածաշրջանային խնդիրներին: «Մենք ողջունում ենք նոր տարածաշրջանային նախաձեռնությունները, որոնք կարող են նպաստ բերել Հարավային Կովկասի անվտանգությանն ու կայունությանը: Սակայն այդ նախաձեռնությունները պետք է լինեն Եվրոպական հարեւանության քաղաքականության շրջանակներում: Դրանք նաեւ պետք է մաս կազմեն Արեւելաեվրոպական գործընկերության, ՍԾՏՀ շրջանակներում համագործակցության եւ անդրսահմանային տարածության շրջանակներում »,-ասել է ՀՀ ԱԳ փոխնախարարը: Միեւնույն ժամանակ, նա նշել է, որ Ադրբեջանի դիրքորոշումը Հայաստանի հանդեպ արգելակում է տարածաշրջանային նախաձեռնությունները: «Առանց ղարաբաղյան հակամարտության հանգուցալուծման Հարավային Կովկասի դինամիկ զարգացումն անհնար է»,-ասել է Արման Կիրակոսյանը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Բաժիններ թեմայով Սյուժե Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել  Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունիցԲալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համարԿիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |
