Պատգամավորների՝ ձերբակալվածներին և կալանավորներին անարգել այցելելու նախագիծն ԱԺ հանձնաժողովում մերժվել է

Պատգամավորների՝ ձերբակալվածներին և կալանավորներին անարգել այցելելու նախագիծն ԱԺ հանձնաժողովում մերժվել է

PanARMENIAN.Net - Ազգային ժողովի պետաիրավական հարցերի մշտական հանձնաժողովը բացասական եզրակացություն է տվել «Ձերբակալված և կալանավորված անձանց պահելու մասին» օրենքում փոփոխություն կատարելու՝ «Լուսավոր Հայաստանի» ներկայացրած առաջարկին:

Նախագիծը ներկայացրել է «Լուսավոր Հայաստան» խմբակցության պատգամավոր Տարոն Սիմոնյանը: Նա նշել է, որ սա այն նախագծերից է, որն ընդդիմությունը միշտ ներկայացնում է, բայց իշխանությունը մերժում է: Սիմոնյանը հիշեցրել է, որ վերջին անգամ նույն փոփոխությունը դեռ 2017-ի հոկտեմբերին առաջարկել էր ԵԼՔ խմբակցության ղեկավար Նիկոլ Փաշինյանը, սակայն առաջարկը մերժվել էր, գրում է «Հետքը»:

«Օրենսդրությունը թույլ է տալիս պատգամավորներին առանց որևէ խոչընդոտի մուտք գործել ՁՊՎ-ներ կամ կալանավայրեր, բայց իրավական կարգավորումն այնպիսին է, որ անարգել մուտք գործեն, բայց էնտեղ պահվող անձանց հետ հանդիպումը կարող է արգելանքի հիմք հանդիսանալ»,- ասել է Սիմոնյանը:

Արդարադատության փոխնախարար Սրբուհի Գալյանն առաջարկել է նախագծին դեմ քվեարկել՝ ներկայցնելով Կառավարության բացասական եզրակացությունը: Արդյունքում օրինագիծը մերժվել է:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---