Հայաստանն ու Ուկրաինան պետք է լիարժեք օգտագործեն իրենց պոտենցիալը տնտեսական համագործակցության ոլորտում23 հունվարի 2009 - 16:49 AMT PanARMENIAN.Net - Հունվարի 23-ին Ուկրաինայի Բարձրագույն Ռադայի նախագահ Վլադիմիր Լիտվինը հանդիպել է Ուկրաինայում Հայաստանի դեսպան Արմեն Խաչատրյանի հետ: Հանդիպման ընթացքում քննարկվել է երկկողմ համագործակցությանն առնչվող հարցերի լայն շրջանակ, այդ թվում` խորհրդարանական մակարդակով: Ա.Խաչատրյանը նշել է, որ ուկրաինա-հայկական հարաբերությունները քաղաքական եւ տնտեսական համագործակցության ոլորտներում դինամիկ կերպով զարգանում են, մասնավորապես, վերջին հինգ տարիների ընթացքում ապրանքաշրջանառության մակարդակն աճել է տաս անգամ:Վ.Լիտվինն իր հերթին հայտնել է, որ ուկրաինական կողմը բարձր է գնահատում երկկողմ համագործակցության գոյություն ունեցող մակարդակը: Նրա խոսքով, Հայաստանն ու Ուկրաինան պետք է լիարժեք օգտագործեն իրենց պոտենցիալն այդ ոլորտում: Այդ ենթատեքստում Ուկրաինայի Բարձրագույն Ռադայի նախագահը նշել է ֆինանսա-տնտեսական ճգնաժամի հետեւանքների հետ պայքարի փորձի փոխանակման եւ այդ հարցում երկու երկրների ջանքերի միավորման կարեւորությունը: Կողմերը քննարկել են նաեւ բոլոր մակարդակներով միջխորհրդարանական համագործակցության հարցեր, այդ թվում` միջազգային խորհրդարանական կազմակերպություններում, եւ արտահայտվել են այդ համագործակցության ընդլայնման եւ ակտիվացման օգտին, հաղորդում է Ուկրինֆորմը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԱԺ նախագահ․ Ալմաթիի հռչակագրի մասին դրույթը խաղաղության պայմանագրում ամրագրելու շուրջ համաձայնություն դեռ չկա Նա նշել է, որ քննարկումները շարունակվում են Վիգեն Սարգսյանից պահանջում են բռնագանձել անշարժ գույք Երևանում և ԱՄՆ–ում, նաև՝ դրամական միջոցներ Հակակոռուպցիոն դատարանը վարույթ է ընդունել հայցադիմումը Փաշինյանը հանդիպել է Իրանի հոգևոր առաջնորդին Նա կմասնակցի իրանցի զոհված պաշտոնյաների և նրանց ուղեկցողների հարգանքի տուրքի արարողությանը Վարժական հավաքների ծանուցումը հրապարակային դարձնելու նախագիծն 1-ին ընթերցմամբ ընդունվել է Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված |