Էրդողան. Խիստ հսկելու ենք սոցցանցերը

Էրդողան. Խիստ հսկելու ենք սոցցանցերը

PanARMENIAN.Net - Թուրքիայի նախագահ Ռեջեփ Թայիփ Էրդողանը հայտարարել է, որ սոցցանցերն իշխանության խիստ հսկողության տակ կլինեն։ Նա այդպես է արձագանքել իր փեսա և գանձապետարանի ու ֆինանսների նախարար Բերաթ Ալբայրաքի Twitter-ում արված գրառման մեկնաբանություններին։

Գրառմամբ Ալբայրաքը տեղեկացրել էր իր 4-րդ երեխայի ծնվելու մասին։

«Այդ ալիքները լի են ստերով, վիրավորանքներով, զրպարտություններով, և պետք է կանոնակարգվեն»,-ասել է Էրդողանն իշխող Արդարության և զարգացման կուսակցության ներկայացուցիչների հետ տեսակոնֆերանսի ընթանքում, գրում է Deutsche Welle-ն։

Նա հավելել է, որ մտադիր է որքան հնարավոր է արագ օրինագիծ ներկայացնել խորհրդարան և ֆինանսական ու իրավաբանական պատժամիջոցներ սահմանել։

«Հիմա հասկանո՞ւմ եք, թե ինչու բոլորս դեմ ենք YouTube-ին, Twitter-ին, Netflix-ին և նմանատիպ այլ սոցցանցերի։ Նման ստորությունները վերացնելու համար»,- ասել է նա։

Որոշ օգտատերեր մեկնաբանություններում կասկած էին հայտնել, թե արդյոք Ալբայրաքն է երեխայի հայրը։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին