  Մնացականյանը՝ The Jerusalem Post-ին․ Իսրայելը պետք է դադարեցնի զենքի վաճառքն Ադրբեջանին 29 հուլիսի 2020 - 15:40 AMT PanARMENIAN.Net - Ադրբեջանին վաճառվող իսրայելական զենքով թիրախավորվում են Հայաստանի քաղաքացիական ենթակառուցվածքները, ուստի Իսրայելը պետք է անհապաղ դադարեցնի սպառազինության վաճառքն Ադրբեջանին։ Այդ մասին ԱԳ նախարար Զոհրաբ Մնացականյանը հայտարարել է իսրայելական The Jerusalem Post թերթին տված հարցազրույցում։ Նա նշել է, որ թեև ՀՀ և Իսրայելի հարաբերությունները վերջին տարիներին բարելավվել են, հունվարին Իսրայել էր այցելել ՀՀ նախագահը, այնուամենայնիվ, այդ երկրի կողմից արդիական սպառազինության վաճառքն Ադրբեջանին շարունակում է չլուծված խնդիր լինել ՀՀ-ի համար։ «Ադրբեջանին զենքի վաճառքը մահաբեր է՝ Բաքուն երբեք չի վարանում այդ զենքն օգտագործել քաղաքացիական ենթակառուցվածքների, քաղաքացիական բնակչության դեմ։ Մենք հետևողականորեն արծարծելու ենք այս հարցը, այն միշտ մեր օրակարգում է լինելու ինչպես երկկողմ, այնպես էլ բազմակողմ հարթակներում։ Իսրայելը պետք է դադարեցնի մահաբեր բիզնեսն Ադրբեջանի հետ», – ասել է Մնացականյանը։ Անդրադառնալով Տավուշում սրացման օրերին հայկական զինուժի կողմից իսրայելական անօդաչու սարքերի խոցմանը՝ Մնացականյանն ասել է, որ Հայաստանն Ադրբեջանի դեմ գործում է առանց հաշվի առնելու, թե ինչ ծագման է զենքը։ «Մեր զինուժը վնասազերծում է ադրբեջանական զենքերը՝ անկախ դրանց ծագումից», – ասել է նա։ Իսրայելը տարիներ շարունակ զենք և զինտեխնիկա է մատակարարում Ադրբեջանին, իսկ Բաքուն ապահովում է իսրայելական նավթի պահանջարկի մոտ 40 տոկոսը։ Ադրբեջանն Իսրայելից հիմնականում գնում է անօդաչու թռչող սարքեր, հրթիռներ և այլ ժամանակակից համակարգեր։ 2019-ին Իլհամ Ալիևը հայտարարել էր, որ իր երկիրը 5 մլրդ դոլարի զենքի գնման պայմանագիր է կնքել Իսրայելի հետ։ Հուլիսի 12-ից սկսած հայկական զինված ուժերը Տավուշում հայ-ադրբեջանական սրացման ժամանակ խոցել են հակառակորդի 5-ից 10 անօդաչու թռչող սարք, այդ թվում՝ Hermes 900 մոդելի։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
