Իրանը կվճարի սխալմամբ խոցված ուկրաինական բոինգի ուղևորների ընտանիքներին31 հուլիսի 2020 - 10:44 AMT PanARMENIAN.Net - Իրանը համաձայնել է փոխհատուցել 2020-ի հունվարին սխալմամբ ուկրաինական քաղաքացիական Boing-737-ը խոցելու համար։ Այս մասին, «Վեդոմոստիի» փոխանցմամբ, հայտարարել է Իրանում ԱԳՆ ներկայացուցիչ Աբբաս Մուսավին։ Boeing 737-ը հունվարի 8-ի առավոտյան Թեհրանի օդանավակայանից թռիչք կատարելուց հետո սխալմամբ խոցվել էր Իրանի հակաօդային պաշտպանության ուժերի հրթիռով։ Իրանի ՀՕՊ ստորաբաժանումն այն Իրանի օդային սահմաններն անօրինական հատած ամերիկյան ինքնաթիռի տեղ էր դրել։ Մահացել էր 176 մարդ։ Մուսավին նշել է, որ Իրանը կատարվածի համար պատասխանատվություն է կրում։ Նրա խոսքով՝ բանակցությունները զոհված ուղևորների հարազատներին վճարելու շուրջ դեռ շարունակվում են, սակայն վճարումը միանգամից չի լինի։ Այն պահանջում է բազմաթիվ իրավաբանական և տեխնիկական խնդիրներ լուծել։ Իրանը հուլիսի կեսերին ինքնաթիռի սև արկղերը փոխանցել էր Ֆրանսիային։ Երկրի Քաղաքացիական ավիացիայի գործակալության զեկույցի համաձայն՝ ավիավթարի պատճառները եղել են մարդկային սխալն ու ՀՕՊ հրամանատարական կետի և զենիթահրթիռային համալիրի միջև կապի բացակայությունը։ Photo. Reuters Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |