Ադրբեջանական Ազերի-Չիրագ- Գյունեշլի բլոկից ստացված նավթը կրճատվել է 7%-ով

Ադրբեջանական Ազերի-Չիրագ- Գյունեշլի բլոկից ստացված նավթը կրճատվել է 7%-ով

PanARMENIAN.Net - Ադրբեջանական Ազերի-Չիրագ-Գյունեշլի բլոկից 2020-ի առաջին կեսին 91 մլն բարել նավթ է ստացվել (ավելի քան 12 մլն տոննա)։ Նախորդ տարվա նույն ժամանակահատվածում ստացվել էր 98 մլն բարել։ Այդպիսով՝ 2020-ին նավթի ծավալը կրճարտվել է 7․2%-ով։ Այս մասին, Turan.az-ի փոխանցմամբ, հայտնում է նավթարդյունաբերող Ադրբեջանի միջազգային օպերացիոն ընկերությունը (ԱՄՕԸ)։

Ընկերությունը հայտնում է, որ միևնույն ժամանակ նախորդ տարվա նույն ժամանակահատվածի համեմատ բլոկի ծրագրի ծախսերը աճել են 30․8%-ով՝ մինչև $1 մլրդ 215 մլն։

Կրճատվել է նաև Ադրբեջանի պետական նավթային ֆոնդի՝ նույն ամիսներին Ազերի-Չիրագ-Գյունեշլի բլոկի և Շահ Դենիզ հանքավայրի շահութաբեր նավթի և գազի վաճառքից ստացված հասույթը։ Այն կազմել է 2 մլրդ 700,5 մլն դոլար՝ նախորդ տարվա նույն ժամանակահատվածի համեմատ կրճատվելով 2 անգամ։

Պետական նավթային ֆոնդի եկամուտները 2020-ին նվազել են կորոնավիրուսի հետևանքով նավթի գների ընկնելու պատճառով։ Նախատեսվում էր, որ նավթից 12․4 մլրդ մանաթի մուտք է լինելու բյուջե, այն ինչ ստացվել է 7․3 մլրդ մանաթ՝ մոտ 5 մլրդ-ով ավելի քիչ։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան