ՌԴ մաքուր պետպարտքը գերազանցել է լիկվիդային ռեզերվները

ՌԴ մաքուր պետպարտքը գերազանցել է լիկվիդային ռեզերվները

PanARMENIAN.Net - ՌԴ մաքուր պետական պարտքը կրկին գերազանցել է լիկվիդային ռեզերվները։ Այդ են վկայում Կենտրոնական բանկի և ֆինանսների նախարարության տվյալները։

Դաշնային կառավարության պարտքը հուլիսի 1-ի դրությամբ կազմում է 14.77 տրլն ռուբլի (մոտ 20․11 մլրդ դոլար)՝ դեպոզիտի 13.22 տրիլիոն ռուբլի (մոտ 18 մլրդ դոլար) ծավալի դեպքում։ Տարբերությունը կազմել է 1․55 տրիլիոն (մոտ 2․11 մլրդ դոլար), գրում է ՌԻԱ Նովոստին։

Այսպիսով, կառավարության ակտիվները չեն ծածկում պարտքի գումարը։ Դա պայմանավորված է մի քանի գործոններով, այդ թվում պետական ծախսերի աճով և բյուջեի պակասուրդով։ Այդպիսի պարզաբանում է տվել Ազգային վարկանիշային գործակալության վարկանիշային ծառայության կառավարող տնօրեն Սերգեյ Գրիշունինը։

«Առաջինը՝ պետծախսերի աճն է կորոնավիրուսի պանդեմիայի պատճառով, մեկ այլ գործոն է Խնայբանկի բաժնետոմսերի հսկիչ փաթեթի գնումը, որը ԿԲ-ից անցավ կառավարությանը»,-ասել է նա։

Նա հավելել է, որ բոլոր այդ գործոնները ժամանակավոր են և հետագայում ՌԴ-ն կարող է կրճատել պետպարտքի ծավալները։

Ավելի վաղ ՌԴ վարչապետ Միխայիլ Միշուստինը հայտարարել էր, որ 2020-ի սկզբին ՌԴ-ն լավ նախադրյալներ ուներ, սակայն կորոնավիրուսը և նավթի գների անկումը զգալիորեն վատթարացրին իրավիճակը և արտակարգ ու ծավալուն միջոցներ պահանջեցին։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան