ՊՆ․ ՀՀ պետսահմանի խախտման դեպքում ամբողջ զինանոցն ենք կիրառելու

ՊՆ․ ՀՀ պետսահմանի խախտման դեպքում ամբողջ զինանոցն ենք կիրառելու

PanARMENIAN.Net - ՀՀ պետական սահմանի խախտման դեպքում առկա բոլոր ուժերով հուժկու հարված կհասցնենք՝ կիրառելով զինանոցում գտնվող բոլոր զինատեսակները, հայտարարել են պաշտպանության նախարարության հրամանատարական կազմի ներկայացուցիչները, փոխանցում է Զինուժը։

ՊՆ ղեկավար Դավիթ Տոնոյանը հոկտեմբերի 27-ին հրամանատարական կազմի հետ քննարկել է ՀՀ հարավային սահմանի օպերատիվ իրադրությունն ու առաջիկա քայլերը։

Նախարարության ներկայացուցչի խոսքով՝ իրավիճակը վերահսկելի է, հայկական կողմը գիտի Ադրբեջանի կրակային բոլոր դիրքերը, սադրանքի կրկնության դեպքում դրանք խոցվելու են։

Պաշտպանության նախարարության խոսնակ Շուշան Ստեփանյանը նաև ավելի վաղ հակառակորդի կողմից պետական սահմանի թիրախավորման կադրեր է հրապարակել։

Հոկտեմբերի 27-ի առավոտյան՝ ժամը 10:00-10:15 սահմաններում, Ադրբեջանը, շարունակելով խախտել հայտարարված հրադադարը, անօդաչու թռչող սարքերով և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը (Մեղրի-խմբ․): ՊՆ-ից հայտնել էին, որ ստիպված են լինելու համապատասխան հարված հասցնել ադրբեջանական ուժերին։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

 Ուշագրավ
Նա տեղեկացրել է նաև, որ կորոնավիրուսի հետևանքով հոսպիտալացված 2009 քաղաքացիներից 102-ն են պատվաստված
Լեհաստանի դեսպանությունը բարձր է գնահատում ՀՀ առողջապահության նախարարություն հետ գործակցութունը
Տեսուչին ևս մեղադրանքն է առաջադրվել, ստացված վկայականները ճանաչվել են անվավեր
Հույս ունենք, որ առաջիկա 1 շաբաթում այդ տվյալները նույնպես կնվազեն»,– նշել է Ավանեսյանը
---