ԱԺ-ն զրկել է Նաիրա Զոհրաբյանին ՄԻՊ հանձնաժողովի նախագահի լիազորություններից29 դեկտեմբերի 2020 - 15:18 AMT PanARMENIAN.Net - Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանի՝ Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման հարցին կողմ է քվեարկել 78 պատգամավոր, որոշումն ընդունվել է։ Հարցն ԱԺ-ում շրջանառության մեջ է դրվել «Իմ քայլը» խմբակցության կողմից։ Պատճառը Զոհրաբյանի ֆեյսբուքյան գրառումներից մեկն էր, որտեղ նա հայտարարել էր, թե հասարակության մի հատվածին պետք է զրկել ընտրելու իրավունքից ու բռնի կրթել, ժողովրդի մի հատվածին էլ անվանել էր «ժեխ»։ 132 պատգամավորից քվեարկությանը մասնակցել է 84-ը, 4 հոգի դեմ է քվեարկել, 2 քվեաթերթիկ անվավեր է համարվել, հայտարարել է Հաշվիչ հանձնախմբի նախագահ Վահագն Հովակիմյանը։ Քննարկման ընթացքում «Իմ քայլը» խմբակցության պատգամավոր Հովիկ Աղազարյանը հետաքրքրվել է, թե ինչ է լինելու, եթե հարցն ընդունվի, պատգամավոր Արթուր Հովհաննիսյանն էլ հայտնել՝ երկու շաբաթում ԲՀԿ-ն կարող է առաջադրել հանձնաժողովի նոր նախագահի թեկնածու: Չառաջարկելու դեպքում քվոտան անցնում է իշխող մեծամասնությանը։ Դեկտեմբերի 28-ի նիստում ԲՀԿ-ական պատգամավոր Արման Աբովյանը հայտարարել է, որ եթե Զոհրաբյանի լիազրությունները դադարեցվեն, «Բարգավաճ Հայաստանը» ոչ մեկին չի առաջադրի։ Աբովյանն «Իմ քայլի» նախաձեռնությունը որակել էր որպես հակասահմանադրական և քաղաքական հետապնդման դրսևորում։ Զոհրաբյանը, իր հերթին, հայտարարել էր, որ ՍԴ-ում են վիճարկելու ԱԺ որոշումը։ Պատգամավորը հայտարարել էր նաև, որ տեղեկություն ունի, թե իշխանություններն ավելի վաղ իր դեմ փորձել է քրգործ հարուցել, հիմք չի ունեցել, այդ իսկ պատճառով գնացել են իրեն Մարդու իրավունքների հանձնաժողովի նախագահի պաշտոնից ազատելու քայլին։ Ուշագրավ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում Ամենաընթերցվողը բաժնում | Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: Հնագիտական հուշարձանների տարածքում, այդ թվում՝ Կարմիր բլուրում, պեղումների թույլտվություններ են տրվել Խոսքը 32 հուշարձանի մասին է Փոխվարչապետ․ «Զվարթնոցի» նոր տերմինալի նախագիծ կա, բայց բարդություններ կան Նա նշել է, որ նոր տերմինալի նախագծի արժեքը մոտ 450 մլն եվրո է կազմում |