Ավինյան․ 3459 մարմին է դուրս բերվել, վերջնական թիվը 4000-ը չի անցնի

Ավինյան․ 3459 մարմին է դուրս բերվել, վերջնական թիվը 4000-ը չի անցնի

PanARMENIAN.Net - Ռազմի դաշտից 2021-ի հունվարի 20-ի դրությամբ դուրս է բերվել 3439 մարմին, որոնցից 766-ը նույնականացված չեն ու գտնվում են ԴՆԹ փորձաքննության փուլում։ 44-օրյա պատերազմի զոհերի վերջնական թիվը չի անցնի 4000-ը։ Այս մասին ԱԺ-ում հարցուպատասխանի ժամանակ հայտարարել է փոխվարչապետ Տիգրան Ավինյանը։

Անհետ կորածների թիվը նա չի նշել, քանի որ այն ճշտման փուլում է։

«Երբ այդ վերջնական թիվը ունենանք, ամբողջական զեկույցով կներկայացվի ՊՆ կողմից»,- նշել է Ավինյանը։

Ըստ Ավինյանի, անդամահատման խնդիր ունեցողների թիվը չի գերազանցում 150-ը: Վերջիններս պետությունից լավագույն ստանդարտներով պրոթեզավորում կստանան։

 Ուշագրավ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի