Մակունց․ ՀՀ-ից մեկնող ինքնաթիռները դատարկ չեն վերադառնում 3 փետրվարի 2021 - 16:34 AMT PanARMENIAN.Net - «Իմ քայլը» խմբակցության ղեկավար Լիլիթ Մակունցը, անդրադառնալով արտագաղթի մասին հայտարարություններին, ԱԺ նիստում ասել է, որ ՀՀ-ից մեկնող ինքնաթիռները դատարկ չեն վերադառնում։ Նա նշել է, որ սահմանը բացվել է և քաղաքացիներ են հեռանում երկրից՝ հիշեցնելով, որ արդեն 1 տարի է, ինչ ՌԴ-ում մշտական բնակություն ունեցող անձինք սպասում էին՝ սահմանները բացվեն, որ կարողանան վերադառնալ իրենց աշխատանքին, վերամիավորվել իրենց ընտանիքների հետ: «ՀՀ-ից, այո, կան մարդիկ, ովքեր գնում են իմ նշած նպատակներով, բայց նաև այդ ինքնաթիռները դատարկ չեն վերադառնում»,- ասել է Մակունցը։ Ըստ «Իմ քայլը» խմբակցության ղեկավարի՝ ընդդիմությունը փորձում է տպավորություն ստեղծել, որ միայն իրենք են սրտացավ քաղաքացիների խնդիրներով, մինչդեռ կառավարությունը «նոր ծրագրեր է նախաձեռնում պատերազմի հետևանքները չեզոքացնելու համար»։ ԲՀԿ-ական պատգամավոր Արման Աբովյանն ԱԺ ամբիոնից կոչ էր արել գնալ օդանավակայան և հետաքրքվել մարդկանցից, թե ինչու են հեռանում երկրից։ ԲՀԿ-ական Նաիրա Զոհրաբյանը՝ արձագանքելով իմքայլական Հայկ Գևորգյանի պնդմանը, թե արտագաղթը մեծ թիվ է կազմել այն տարիներին, երբ ԲՀԿ-ն իշխանական կոալիցիայի անդամ էր, ասել է, որ արտագաղթ միշտ եղել է, բայց «նախկինում երբևէ, որևէ իշխանության ժամանակ հայրենիք չի հանձնվել:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
