4 հանրահավաք՝ Երևանում, որից 3-ը` գրեթե նույն ժամին 1 մարտի 2021 - 11:16 AMT PanARMENIAN.Net - Մարտի 1-ին Երևանում 4 հանրահավաք է նախատեսված, որից 3-ը՝ գրեթե նույն ժամին։ Վարչապետ Նիկոլ Փաշինյանն իր աջակիցներին 18։30-ին հանրահավաքի և եթրի է հրավիրել Հանրապետության հրապարակ։ «Հաշվի առնելով վերջին զարգացումներն ու ստեղծված իրավիճակը»՝ Հայրենիքի փրկության շարժման խորհուրդը որոշում է կայացրել մարտի 1-ի հանրահավաքն անցկացնել ժամը 18։00-ին, Բաղրամյան պողոտայում։ Ազգային-ժողովրդկան բևեռի նախաձեռնող խումբը հանրահավաք է հրավիրել Մատենադարանի մոտ՝ «ի հիշատակ համակարգի զոհերի»։ Այս հավաքը ևս 18։00-ին է։ Ազգային ժողովրդական բևեռը ձևավորվել է 2020-ի մայիսին, հիմնադիրներից են Կանադայում ՀՀ նախկին դեսպան Արա Պապյանը, «Սասնա ծռերի» անդամ Ժիրայր Սեֆիլյանը, Վարուժան Ավետիսյանը, երաժիշտ Եղիշե Պետրոսյանը։ ՀԱԿ-ի հավաքը Մարտի 1-ի զոհերի հիշատակին՝ 16։00-ին Մյասնիկյանի արձանի մոտ է, իսկ 17։00-ին նախատեսված է այցելություն Եռաբլուր պանթեոն, որտեղ հարգանքի տուրք կմատուցվի պատերազմում զոհվածների հիշատակին։ 15։00-ին ՀԱԿ-ը կայցելի սբ․ Սարգիս եկեղեցի, որտեղ տեղի կունենա պատարագ՝ Մարտի 1-ի և 44-օրյա պատերազմի զոհերի հիշատակին։ 2008-ի փետրվար ամսվա վերջին, ՀՀ նախագահի փետրվարի 19 ընտրությունների արդյունքներից դժգոհ քաղաքացիները՝ ՀՀ առաջին նախագահ Լևոն Տեր-Պետրոսյանի գլխավորությամբ հանրահավաքներ ու նստացույց էին անցկացնում Ազատության հրապարակում: Մարտի 1-ի վաղ առավոտյան ոստիկանության աշխատակիցները Ազատության հրապարակում զենք, զինամթերք և մոլոտովյան կոկտեյլներ հայտնաբերելու պատրվակով ներխուժեցին հրապարակ, հարձակվեցին ցուցարարների վրա և ուժով ցրեցին նրանց: Ժամեր անց ցուցարարները հավաքվեցին Մյասնիկյանի արձանին հարող հրապարակում՝ Ֆրանսիայի և Ռուսաստանի դեսպանատների առաջ, և սկսվեց ինքնաբուխ հանրահավաք։ Ավելի ուշ հայտարարվեց պարետային ժամ, մայրաքաղաք մտցվեցին բանակային ստորաբաժանումներ: Բախումների արդյունքում զոհվեց տասը մարդ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |