Նախարար․ ՀՀ-ում կորոնավիրուսի կրկնավարակի մոտ 600 դեպք կա

Նախարար․ ՀՀ-ում կորոնավիրուսի կրկնավարակի մոտ 600 դեպք կա

PanARMENIAN.Net - Հայաստանում գրանցվել է կորոնավիրուսի կրկնավարակի մոտ 600 դեպք: Այդ մասին տեղեկացրել է առողջապահության նախարար Անահիտ Ավանեսյանը:

Նա Ազգային ժողովում ներկայացնում էր կառավարության ծրագրի 2020-ի կատարման ընթացքի և արդյունքների մասին զեկույցի առողջապահության ոլորտի վիճակը:

Նախարարը նշել է՝ որպեսզի կորոնավիրուսի կրկնավարակ գրանցվի, առաջին վարակումից առնվազն 90 օր պետք է անցնի։

Համավարակի հետ կապված վիճակը նախարարը կայուն լարված է գնահատել՝ նշելով, որ օրական ունենում ենք 800-900 հիվանդ, որոնք բժշկական օգնություն են ստանում տանը և պոլիկլինիկաների հսկողության տակ են։

Նախարարը տեղեկացրել է, որ 2020-ին իրականացվել է 595,000 թեստավորում, որից 159,000-ը դրական է եղել, 40,000-ից ավելի հիվանդ օգտվել է ստացիոնար բուժումից։

Հայաստանում ապրիլի 15-ի դրությամբ կորոնավիրուսով վարակի դեպքերը հասել են 206,142-ի։ Ընդհանուր առմամբ, կորոնավիրուսից մահվան 3817 դեպք կա, այլ պատճառով՝ 964։ Փաստացի բուժվողների թիվը 16,236 է։

 Ուշագրավ
Սոֆլու, Բարխուդարլու և Վերին Աքսիփարա (Ոսկեպար) գյուղերը 1929 թ. հուլիսի 19–20-ի որոշմամբ հանձնվել են Դիլիջանի գավառին
Վարորդները նշել են, որ արդեն տևական ժամանակ է իրենց վառելիք չի տրամադրվում
«Պաշտպանը որևէ առնչություն չունի քաղաքական որևէ գործընթացի հետ»,- նշվում է հաղորդագրության մեջ
Քրոնիկ հիվանդություն չունեցող մինչև 55 տարեկան պատգամավորները պատվաստվել են AstraZeneca-ով