Ձայնագրության արտահոսք․ Իրանի ԱԳ նախարարը մեղադրանքներ է հնչեցրել ՌԴ հասցեին27 ապրիլի 2021 - 19:02 AMT PanARMENIAN.Net - Իրանի ԱԳ նախարար Մոհամմադ Ջավադ Զարիֆը ոչ հրապարակային զրույցում սենսացիոն հայտարարություն է արել այն մասին, թե Մոսկվան փորձել է տապալել Թեհրանի «միջուկային գործարքը» դեռ ստորագրման փուլում՝ ձայնագրության արտահոսք է եղել։ Հրապարակման համար չնախատեսված զրույցում Զարիֆի խոսքերը զարմանք են առաջացրել ՌԴ փորձագիտական շրջանակում, գրում է «Կոմերսանտը»։ Լրագրող Սաիդ Լայլազի հետ Իրանի ԱԳ նախարարի 7 ժամանոց զրույցից արտահոսքը հայտնվել է ապրիլի 25-ին Լոնդոնում տեղակայված Iran International հեռուստաալիքի կայքում։ Ձայնգրությունն արվել է մարտին՝ պաշտոնավարման երկրորդ ժամկետն ավարտող նախագահ Հասան Ռոուհանիի գործունեության արդյունքների փաստաթղթավորման շրջանակում։ Ձայնագրության հրապարակված հատվածների հիմնական իմաստն այն է, որ Իրանի ԱԳՆ-ն «զրոյական դեր» ունի երկրի արտաքին քաղաքականության որոշման հարցում։ Հիմնական որոշումները կայացրել են երկրի հոգևոր առաջնորդ Այաթոլլա Ալի Համենեին և Իսլամական հեղափոխության պաշտպանների կորպուսը (ԻՀՊԿ)։ Ըստ Զարիֆի, 2020-ի հունվարին Բաղդադում սպանված ԻՀՊԿ հատուկ նշանակության «Էլ Կուդս» ուժերի հրամանատար Ղասեմ Սուլեյմանին մշտապես միջամտել է դիվանագիտական հարցերին, ընդ որում, կառույցի միջամտությունը շարունակվել է նաև նրա մահից հետո։ Որպես այդպիսի միջամտության օրինակ Զարիֆը բերում է Սուլեյմանիի այցը Մոսկվա 2015-ի հուլիսին՝ Վիեննայում այսպես կոչված «միջուկային գործարքի» կնքումից 10 օր անց։ «Այցը եղել է Մոսկվայի նախաձեռնությամբ առանց Իրանի ԱԳՆ որևէ վերահսկողության։ Նպատակն էր գործարքի տապալումը»,-ասել է Զարիֆը։ «Ասում են, որ Սուլեյմանին է ներքաշել ՌԴ նախագահ Վլադիմիր Պուտինին Սիրիայի պատերազմ։ Բայց որոշում կայացնողը Պուտինն էր։ Պուտինը սկսեց պատերազմն ու ներքաշեց Իրանի օդային և ցամաքային ուժերը։ Մինչ այդ պահը մեր զորքերն այնտեղ չկային։ Այնտեղ կային սիրիացիներ, արաբներ, աֆղաններ և կամավորներ»,-ասել է նա և դժգոհություն հայտնել, որ Սիրիայում ռազմական գործողությունների ժամանակ Իսլամական հեղափոխության պաշտպանների կորպուսի հետ պայմանավորվածությամբ Մոսկվան օգտագործել է Իրանի օդային տարածքն ու ռազմակայանը։ Սակայն, հրապարակումից պարզ չէ, թե ինչպես է դա կապված «միջուկային գործարքը» տապալելու ՌԴ ցանկության հետ։ Իրանի ԱԳՆ-ն չի ժխտել Զարիֆի զրույցի ձայնագրության առկայությունը, սակայն, պաշտոնական ներկայացուցիչ Սաիդ Հաթիբզադեն ասել է, որ պետք չէ նրա խոսքերը համատեքստից դուրս դիտարկել։ Արտահոսքը մեծ սկանդալ է առաջացրել Իրանում։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |