ՌԴ ներկայացուցիչները դրոշներով Կութում են՝ դեպի ադրբեջանական դիրքեր են գնացել29 մայիսի 2021 - 17:20 AMT PanARMENIAN.Net - Ռուսական կողմի ներկայացուցիչներն իրենց դրոշներով Կութ գյուղում են։ Այս մասին հայտնել է համայնքի ղեկավար Սիմա Չիտչյանը, տեղեկացնում է «Փաստինֆոն»։ «Եկել են, գյուղով անցել, բարձրացել դիրքեր, այլ տեղեկություն չունենք իրենցից։ Ուղիղ մեր դիմացով՝ 5․5 կմ հեռավորության վրա այն դիրքերն են, որտեղ տեղակայված են ադրբեջանցիները։ Գնացել են այդ կողմ, բայց չենք տեսնում իրենց։ Եկել են սահմանների համար, բայց մանրամասներ չգիտենք, մեզ հետ չեն խոսել, եկել, ուղիղ անցել են»,- ասել է նա։ Չիտչյանը տեղեկացրել է, որ գյուղում նկատել են չորս մեքենա, որոնցից երկուսի վրա եղել են ՌԴ դրոշները։ Ամենայն հավանականությամբ, բանակցություններ են ընթանալու, որոնց մանրամասների մասին տեղեկություն չունեն։ «Այնտեղ բարձրանալու համար մեր հայերի պոստերը պետք է անցնեն, հետո ադրբեջանցիների պոստն է, բայց չենք տեսնում՝ անտեսանելի են, թե որտեղ են հանդիպում, որտե՞ղ են բանակցությունները՝ չի երեվում։ Զինվորականներից էլ կային՝ մեր պաշտոնյաներից։ Չորս մեքենա է անցել, որից երկուսի վրա է եղել ռուսական դրոշները»,- ասել է Չիտչյանը։ Մայիսի 12-ի առավոտյան Ադրբեջանի զինված ուժերը Սյունիքի մարզի Սև լիճ տեղանքում և հարակից տարածքում հատել են ՀՀ պետական սահմանը և խորացել մինչև 3․5 կիլոմետր։ Վարչապետի պաշտոնակատար Նիկոլ Փաշինյանը դա որակել է որպես դիվերսիոն անցում, նշել, որ իրավիճակը մերձճգնաժամային է, եթե ոչ ճգնաժամային, և հայտարարել, որ ՀՀ-ն չի կարող նման վիճակ հանդուրժել։ Մայիսի 13-ին ադրբեջանական զինված ուժերը, կրկին՝ «սահմանների ճշգրտման» հիմնավորմամբ, հերթական սադրանքն են իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում։ Բանակցություններն արդյունք չեն տվել։ՀՀ-ն պաշտոնապես դիմել է ՀԱՊԿ-ին, ինչպես նաև ռազմական աջակցություն խնդրել ՌԴ-ից։ Մայիսի 27-ի առավոտյան ադրբեջանցիները Գեղարքունիքի մարզում 6 հայ զինծառայող են գերեվարել։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |