ԵԽԽՎ առաքելության ղեկավար․ Ամբողջությամբ ընդունում ենք ՀՀ-ում արտահերթի արդյունքները21 հունիսի 2021 - 16:27 AMT PanARMENIAN.Net - ԵԽԽՎ առաքելության ղեկավար Ջորջ Կաթրուգալոսը, ամփոփելով հունիսի 20-ին ՀՀ-ում անցկացված արտահերթ խորհրդարանական ընտրությունները, հայտարարել է, որ, չնայած դժվարություններին և բևեռացված քաղաքական միջավայրին, ընտրություններն արդարացիորեն են կազմակերպվել, ժողովրդավարական բնույթը չի խաթարվել։ Նա նշել է, որ ամբողջությամբ ընդունում են ընտրությունների արդյունքները, գրում է Aysor.am-ը։ «Մենք տեսել ենք որոշ չնչին տեխնիկական խախտումներ որոշ տեղամասերում, բայց սա որևէ կերպ հարցականի տակ չի դնում ժողովրդավարական և սահմանադրական կարգը, որն անհրաժեշտ է նման ընտրություններ կազմակերպելու համար», - ասել է ԵԽԽՎ առաքելության ղեկավարը։ ԵԱՀԿ ԽՎ առաքելության ղեկավար Կարի Հենրիկսենն իր հերթին հայտարարել է, որ ընտրություններն ընդհանուր առմամբ մրցակցային էին և, հաշվի առնելով բավականին սեղմ ժամկետը, բավականին լավ կազմակերպված, գրում է Sputnik Արմենիան։ Ըստ նրա, հաշվի առնելով Ընտրական օրենսգրքում վերջերս կատարված փոփոխությունները, կար որոշակի իրավական անորոշություն։ Այնուամենայնիվ, ըստ նրա, ընտրությունները կազմակերպված էին բարձր մակարդակով և վայելում էին ընտրողների վստահությունը։ «Հարգվել են հիմնական իրավունքներն ու ազատությունները, հավասար պայմաններ են ստեղծվել բոլորի համար ընտրարշավի կազմակերպման համար»,-ասել է նա։ Միևնույն ժամանակ, նա նշել է ընտրարաշավի չափազանց մեծ անձնավորվածությունը։ Ըստ նրա՝ միջանձնային հակասությունները խոչընդոտել են նախընտրական ծրագրերի և գաղափարների մրցակցությանը։ Անդրադառնալով տեխնիկական մասին՝ նա ասել է, որ ընտրատեղամասերից շատերը մատչելի չէին հաշմանդամություն ունեցող անձանց համար։ Հունիսի 20-ի արտահերթ խորհրդարանական ընտրություններում «Քաղաքացիական պայմանագիր» կուսակցությունը, բոլոր տեղամասերի ձայների հաշվարկով, ստացել է քվեների 53.92%-ը, ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքը՝ 21.04%-ը, «Պատիվ ունեմ» դաշինքը՝ 5.23%։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու Կիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համար Թաթոյան․ Հոգևորականները մարդկանց հետ են, քանի որ դա է բխում հոգևորականի էությունից Բագրատ Սրբազանն ասել է, որ սա ստի և ճշմարտության պայքար է, և ճշմարտությունը պետք է հաղթի |