Macallan-ը և Bentley Motors-ը միավորել են ուժերն ավելի կայուն ապագայի համար 6 հուլիսի 2021 - 17:40 AMT PanARMENIAN.Net - Macallan շոտլանդական միածիկանի վիսկին և բրիտանական «լյուքս» դասի ավտոմեքենաներ արտադրող Bentley Motors-ը ներկայացել են յուրահատուկ գործակցությամբ, որը հիմնվելու է ընկերությունների հարուստ ժառանգության վրա` համատեղ ծրագրեր մշակելու և ավելի կայուն ապագայի իրենց տեսլականը զարգացնելու համար: Համախմբվելով վարպետությանը, արհեստավարժությանը, կրեատիվին և նորարարությանն իրենց նվիրումով՝ երկու աշխարհահռչակ ապրանքանիշերը կկիսվեն կայունության ու յուրաքանչյուրն իր ոլորտնում ձեռք բերած այլ գիտելիքով։ Միավորելով Macallan-ի՝ վիսկի պատրաստելու վարպետությունը և Bentley Motors-ի փորձը շքեղ մեքենաների աշխարհում՝ գործակցությունը կստեղծի նոր ապրանքներ ու փորձառություններ՝ հավերժական շքեղության խոստման և ավելի առաջադեմ աշխարհ ունենալու հանձնառությամբ։
Նոր գործակցության մասին հայտարարվել է Շոտլանդիայում գտնվող Macallan Estate-ում, որի ժամանակ նաև Bentley-ի նոր հիբրիդային մոդելն է ներկայացվել, որն ընկերությունը համարում է աշխարհում «լյուքս» դասի կայուն ավտոարտադրության առաջատարը դառնալու ճանապարհին իր հերթական քայլը։ «Bentley-ն աշխարհի ամենակայուն շքեղ ավտոմոբիլային ընկերությանը վերածելը հետաքրքիր ճանապարհորդություն է, և ես ուրախ եմ, որ աշխատում եմ Macallan-ի հետ մեկ ընդհանուր նպատակով` լինել մեր ոլորտներում առաջատարը և աշխատել հանուն ավելի կայուն ապագայի: Մոտակա ամիսներին ու տարիներին մենք իրարից կսովորենք մեր ծրագրերը միասին առաջ տանել, և միաժամանակ կաշխատենք իսկապես յուրահատուկ ծրագրերի ու արտադրանքի վրա»,- ասել է Bentley-ի նախագահ և գլխավոր գործադիր տնօրեն Ադրիան Հոլմարկը։ Ըստ Macallan-ի գործադիր տնօրեն Իգոր Բոյաջյանի՝ երկու ընկերությունն էլ ունեն հարուստ անցյալ և վարպետության ու նորարարության ընդհանուր արժեքներ:
«Մեր գործակցությունը հիանալի հնարավորություն է՝ համեմատելու մեր գիտելիքը և սովորելու միմյանցից՝ միաժամանակ օգտվելով մեր բիզնեսի, հաճախորդների և, ի վերջո, ապրանքների համար թարմ մտածողությունից։ Գործընկերության առանցքը կլինի մեր նվիրվածությունն ավելի կայուն ապագային»,- ասել է Բոյաջյանը։ Macallan-ի ամենակարևոր նպատակներից է մինչև 2030 թվականը ածխածնի չեզոքացմանը հասնելը՝ ապահովելով պատասխանատու մատակարարման շղթա։ Այն նաև հանձնառու է մինչև 2025 թվականը Macallan Estate-ում ունենալու լիովին էլեկտրական մարդատար ավտոմեքենաների պարկ։
Ըստ Bentley-ի ծրագրերի, ընկերությունը կդառնա աշխարհում շքեղ ավտոմոբիլային բիզնեսի առաջատարը երեք ուղղությամբ․ • Արտադրանք․ Bentley-ի ամբողջ տեսականու էլեկտրականացում մինչև 2023 թվականը, առաջին էլեկտրական մարտկոցով Bentley-ն՝ մինչև 2025 թվականը, իսկ ամբողջությամբ էլեկտրական մեքենաների շարքը՝ մինչև 2030 թվականը։ • Գործունեություն․ Հենվելով Անգլիայի Կրու քաղաքում գտնվող Bentley-ի նախագծման և արտադրական կենտրոնի փորձի վրա, որը չեզոքացված ածխածնով շքեղ մեքենաներ արտադրող՝ աշխարհում առաջին սերտիֆիկացված գործարանն է, ածխածնի չեզոքացման տարածումն ամբողջ բիզնեսի վրա։
• Մարդիկ․ նոր ռազմավարություն, որը կխրախուսի բազմազանությունն ու ներառականությունը աշխատուժի մեջ, ներառյալ` ղեկավար պաշտոններում: Գործընկերությունը սկզբում կկենտրոնանա մի շարք հիմնական ոլորտների վրա, ներառյալ՝ ապրանքանիշի անցումը ածխածնի չեզոքացման, կայուն նյութերի մատակարարման շղթայի նորարարական հետազոտություն, ինչպես նաև կայուն, տեղական մատակարարներ գտնելու համար թիմային աշխատանք: Առաջիկա տարիներիn նաև լրացուցիչ ծրագրեր կիրականացվեն, այդ թվում` համատեղ մշակված ապրանքներ ինչպես Macallan-ից, այնպես էլ Bentley-ից:
Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միրզոյանը հուսով է՝ Ալմաթիի բանակցություններում գրավոր կարձանագրվեն Երևանի և Բաքվի պարտավորությունները Նրա խոսքով ՝ երկկողմ հանձնաժողովները շարունակում են քննարկել սահմանների դելիմիտացիայի մանրամասները ՀՀ-ն ու Հունգարիան տնտեսական գործակցության մասին համաձայնագիր են կնքել Միրզոյանը Բուդապեշտում է պաշտոնական այցով ԱՄՆ դեսպանը Շուշի է այցելել Մինչ օրս նման այց տեղի չէր ունեցել Սիմոնյան. Ռուսական կողմի նամակին պատասխան ուղարկվել է, իմ հայտարարությունների տերն եմ «Ինչ ասել եմ, ճիշտ եմ ասել, նոր բան չեմ ասել, տեղին եմ ասել և նույն բաները պատրաստ եմ այսօր և մշտապես ասել»,–հավելել է նա |