Պոլիտեխնիկը ձեռներեցության անվճար դասընթացներ է կազմակերպում 44 օրյա պատերազմի մասնակիցների համար 11 նոյեմբերի 2021 - 17:30 AMT PanARMENIAN.Net - Հայաստանի ազգային պոլիտեխնիկական համալսարանը (ՀԱՊՀ) ձեռներեցության անվճար դասընթացներ է կազմակերպում 44 օրյա պատերազմի մասնակիցների համար։ «Ինչպե՞ս սկսել ձեր սեփական բիզնեսը և ստարտափը» դասընթացների շարքը տեղի կունենա նոյեմբերի 22-26-ը։ Դասընթացները նախատեսված են 44 օրյա պատերազմի մասնակիցների, պատերազմից տուժած, Արցախից եկած ուսանողների և ներգաղթյալների համար: Այլ հետաքրքրված անձիք ևս կարող են գրանցվել և մասնակցել: Հնգօրյա դասընթացի նպատակն է ծանոթացնել նորարարական և ստեղծագործական մտածելակերպին, բիզնես մոդելավորման ժամանակակից միտումներին և միջազգային տերմինաբանությանն այդ բնագավառում: Վերապատրաստման արդյունքում մասնակիցները կստանան ձեռներեցության, ձեռնարկատիրության, բիզնեսի մոդելավորման, ստեղծագործական և նորարարական մտածելակերպի զարգացման մասին գիտելիքներ, որոնց հենքի վրա վերապատրաստված անձը կնպաստի ձեռնարկատիրական և նորարարական ուղղության զարգացմանը` միտքն արտադրանքի վերածելով: Դասընթացները կազմակերպում է ՀԱՊՀ-ը` Բրիտանական խորհրդի կողմից ֆինանսավորվող «Ստեղծարար միտք» (Creative Spark) դրամաշնորհային ծրագրի շրջանակներում: Համագործակցությունն իրականացվում է Հայաստանի ազգային պոլիտեխնիկական համալսարանի և ՄԹ Սաութհեմփթոնի համալսարանի միջև։ Հետաքրքրված անձինք կարող են գրանցվել, անցնելով հղումով։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
