  Փաշինյանն ու Ալիևը կհանդիպեն Բրյուսելում․ Պայմանավորվել են ուղիղ կապ հաստատել ՊՆ գծով 20 նոյեմբերի 2021 - 10:34 AMT PanARMENIAN.Net - ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը Եվրախորհրդի նախագահ Շառլ Միշելի հետ հեռախոսային բանակցությունների արդյունքում համաձայնվել են հանդիպել Բրյուսելում, դեկտեմբերի 15-ին՝ ԵՄ և Արևելյան գործընկերության գագաթնաժողովի շրջանակում։ Այդ մասին ասվում է Եվրախորհրդի հայտարարության մեջ, հայտնում է ՌԻԱ Նովոստին։ «Եվրախորհրդի ղեկավար Շառլ Միշելն առաջարկել է ՀՀ վարչապետ Նիկոլ Փաշինյանին և Ադրբեջանի նախագահ Իլհամ Ալիևին հանդիպում անցկացնել Բրյուսելում՝ ԵՄ-Արևելյան գործընկերություն գագաթնաժողովի շրջանակում։ Նրանք համաձայնվել են հանդիպել Բրյուսելում՝ քննարկելու համար իրավիճակը տարածաշրջանում և լարվածության հաղթահարման ուղիները»,-ասվում է փաստաթղթում։ Միշելի հետ բանակցությունների արդյունքում ՀՀ-ն և Ադրբեջանը նաև համաձայնություն են տվել ուղիղ կապ հաստատել երկու երկրների պաշտպանության նախարարների մակարդակով՝ միջադեպերը կանխելու նպատակով, հայտնում է ՌԻԱ Նովոստին։ «Հեռախոսային բանակցությունների արդյունքում ՀՀ և Ադրբեջանի ղեկավարները նաև պայմանավորվել են ուղիղ կապ հաստատել ՊՆ ղեկավարների մակարդակով, որը կծառայի որպես միջադեպերի կանխարգելման մեխանիզմ»,-ասվում է հայտարարության մեջ։ Ավելի վաղ խոսվում էր Մոսկվայում ակնկալվող ՀՀ, Ադրբեջանի և ՌԴ մասնակցությամբ եռակողմ հանդիպման մասին, որը, սակայն, չկայացավ։ ՌԴ նախագահի մամուլի քարտուղար Դմիտրի Պեսկովը հայտարարեց, որ ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի եռակողմ շփման համար հարկավոր է բոլոր կողմերի համաձայնությունն ու պատրաստակամությունը։ Նոյեմբերի 19-ին ՌԴ ԱԳ նախարար Սերգեյ Լավրովը վստահություն էր հայտնել, որ ՌԴ, Հայաստանի և Ադրբեջանի ղեկավարների հանդիպումը կկայանա, ինչի համար հարկավոր է բոլոր կողմերի համաձայնությունը։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը  Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելուԿիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համարԹաթոյան․ Հոգևորականները մարդկանց հետ են, քանի որ դա է բխում հոգևորականի էությունից Բագրատ Սրբազանն ասել է, որ սա ստի և ճշմարտության պայքար է, և ճշմարտությունը պետք է հաղթի |
