2022-ին Գյումրու 37 փողոցի ասֆալտապատումը կավարտվի․ Բյուջեով նախատեսված գումարը վերաբաշխվել է

9 դեկտեմբերի 2021 - 14:10 AMT

PanARMENIAN.Net - 2022-ին Գյումրու 37 փողոցի ասֆալտապատումը կավարտվի։ Գործադիրը հաստատել է Վերակառուցման և զարգացման եվրոպական բանկի վարկային և դրամաշնորհային միջոցներով իրականացվող «Գյումրու քաղաքային ճանապարհների ծրագիրը»։

Տարածքային կառավարման և ենթակառուցվածքների նախարար Գնել Սանոսյանն ասել է, որ «Գյումրու քաղաքային ճանապարհներ» ծրագրի շրջանակում շենքերի և շինությունների կապիտալ վերանորոգման, և մեքենաների և սարքավորումների ձեռքբերման նպատակով 948 մլն դրամ է անհրաժեշտ։

Այդ նպատակով ֆինանսական միջոցները նախատեսված էին 2021-ի բյուջետային հայտով, բայց չեն տրամադրվել։ Ուստի, անհրաժեշտություն է առաջացել 2021-ի բյուջեով նախատեսված գումարների վերաբաշխում կատարել, որպեսզի Գյումրու փողոցների վերակառուցման ծրագիրը չվտանգվի։

2016-ին ստորագրված մոտ 24 մլն եվրո արժողությամբ «Գյումրու քաղաքային ճանապարհների ծրագրով» նախատեսվում է Գյումրիում ունենալ անվտանգ երթևեկությամբ բարեկարգ փողոցներ և էներգախնայող արտաքին լուսավորության ցանց։ Ծրագրի ընդհանուր արժեքից 14,600,000 եվրոն վարկային միջոցներ են, մնացածը` դրամաշնորհային։

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով