Փոխնախարար․ Ամեն ինչ արվելու է, որ մինչև տարեվերջ առաջնագծի կահավորումն ավարտվի 9 դեկտեմբերի 2021 - 18:36 AMT PanARMENIAN.Net - Պաշտպանության փոխնախարար Արման Սարգսյանը հայտարարել է, որ ամեն ինչ անելու ենք, որ մինչև տարեվերջ ավարտենք առաջնագծի կահավորումը, ամեն ինչ արվում է՝ սահմանին պատշաճ կահավորում և ինժեներական աշխատանքներ իրականացնելու ուղղությամբ: «Մենք սահմանին մոդուլային տնակներ ենք տեղադրել, որոնք հնարավորություն են տալիս մեր զինվորիներին՝ հերթափոխ իրականացնելու, քնելու, տաքանալու համար: Իրենք ապահոված են վառելափայտով, ամեն ինչ պետությունն անում է այդ վիճակը շտկելու համար»,-վստահեցրել է փոխնախարարը, գրում է «Փաստինֆոն»։ Վերջինս խուսափել է պատասխանել սահմանին տիրող իրավիճակի վերաբերյալ հարցերին՝ պատճառաբանելով, որ դրանք զգայուն հարցեր են և պետք է բավարարվել միայն պաշտոնական հաղորդագրություններով. «Խուճապային տրամադրությունները չեն նպաստում մեր սահմանի անվտանգության ապահովմանը, ես անընդհատ փորձում եմ խուսափել սահմանի վերաբերյալ հարցերին պատասխանելուց: Սահմանային գծի զգայուն հարցերի վերաբերյալ ՊՆ բոլոր պաշտոնյաներն էլ փորձելու են հնարավորինս քիչ տեղեկատվություն տալ, միայն հստակ և կոնկրետություն պարունակող տեղեկություններ պետք է լինեն»,-ասել է Սարգսյանը: Այն հարցին, թե ի վերջո Իշխանասարում ադրբեջանական զորքերը հետ գնացե՞լ են՝ փոխնախարարը պատասխանել է․ «Մի փիլիսոփայական բան ասեմ՝ եթե Իշխանասարի հետ կապված մի բան իմանաք, դա ձեզ օգուտ տալու՞ է, թե ոչ: Հանրությանը վստահեցնում ենք, որ մեր սահմանները պաշտպանվում են Զինված ուժերի համապատասխան ստորաբաժանումների կողմից, նոյեմբերի 16-ին տեղի ունեցած բախումների ժամանակ մեր զինված ուժերն իրենց մարտունակությունը նաև գործով ապացուցեցին»,-ասել է Արման Սարգսյանը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |