Գերիների և անհետ կորածների կեղծ տվյալներ են մուտքագրվել․ Ընտանիքը 2.7 մլն դրամ գումար է ստացել

Գերիների և անհետ կորածների կեղծ տվյալներ են մուտքագրվել․ Ընտանիքը 2.7 մլն դրամ գումար է ստացել

PanARMENIAN.Net - ՊՆ տարբեր ստորաբաժանումների համապատասխան պաշտոնատար անձինք գերիների և անհետ կորածների թվում մուտքագրել են կեղծ տվյալներ, ինչի հետևանքով տվյալ անձի ընտանիքը 2,700,000 դրամ գումար է ստացել:

Հարուցվել է քրգործ, հայտնում է Պաշտպանության նախարարության տեղեկատվության և հասարակայնության հետ կապերի վարչությունը:

Նշվում է, որ hունվարին ՊՆ տարբեր ստորաբաժանումների համապատասխան պաշտոնատար անձինք, պատասխանատու լինելով մարտական գործողությունների ընթացքում գերության մեջ հայտնված կամ գտնվելու վայրն անհայտ զինծառայողների և այլ անձանց տվյալների ճշտման և հավաքագրման հանձնաժողովից ստացված անվանացանկերում ընդգրկված անձանց զինծառայող կամ կամավորագրված անձ հանդիսանալու հանգամանքը հաստատելու և նրանց ընտանիքի անդամների տվյալները ճշգրտելու համար, ծառայության նկատմամբ դրսևորել են անփույթ վերաբերմունք։

Նրանք ՊՆ ԶԱՍՊ և ՎՀԳՎ ներկայացված անվանացանկում ընդգրկել են զինծառայող կամ կամավորագրված անձ չհանդիսացող քաղաքացի Ռ. Ա.-ի տվյալները, ինչն առաջացրել է ծանր հետևանքներ՝ առանց բավարար հիմքերի Ռ. Ա.-ի ընտանիքի անդամներին «Զինծառայողների ապահովագրության հիմնադրամից» մինչ օրս փոխանցվել է 2,700,000 դրամ գումար:

Դեպքի առթիվ ՀՀ քրեական օրենսգրքի 376-րդ հոդվածի 3-րդ մասի հատկանիշներով /«Անփույթ վերաբերմունքը ծառայության նկատմամբ»/ 07.12.2021թ. ՀՀ ՊՆ ռազմական ոստիկանությունում հարուցվել է քրեական գործ:

 Ուշագրավ
Վիրավորումները, ըստ նախարարի, բեկորային են՝ ԱԹՍ-ի հարվածի հետևանք են
Նա ցուցումներ է տվել նմանօրինակ դեպքերը բացառելու նպատակով անհրաժեշտ միջոցառումների վերաբերյալ
Պահանջում են չեղարկել թանկացումը և բյուրոյի պետի հրաժարականը
---